నందమూరి నటసింహం బాలకృష్ణ కుమారుడు మోక్షజ్ఙ సినిమా ఎంట్రీ కోసం బాలయ్య అభిమానులు ఎంతగానో ఎదురు చూస్తున్నారు. చాలా కాలం నుంచి మోక్షజ్ఙ ఎంట్రీ త్వరలోనే అంటూ బాలయ్య బాబు తన అభిమానులను ఊరిస్తున్న సంగతి తెలిసిందే. అయితే నందమూరి నటవారసుడి ఎంట్రీ ఓ పవర్ ఫుల్ సినిమాతో ఉండాలని బాలయ్య భావిస్తున్నట్లు సమాచారం. అయితే ఈ ఏడాదిలోనే నందమూరి మోక్షజ్ఞ మూవీ లాంచ్ ఈవెంట్ జరిపేందుకు ప్రయత్నాలు మొదలయినట్లు సమాచారం.
ప్రస్తుతం కథా చర్చల్లో ఉన్నట్లు టాక్‌. మోక్షజ్ఞ ఎంట్రీకి సరిపోయే కథ ఫైనల్ అవ్వగానే సినిమాని వెంటనే ప్రారభించునున్నట్లు సమాచారం. అయితే మోక్షజ్ఞ మొదటి మూవీ దర్శకుడు ఎవరు అవుతారో అనేది ఇప్పుడు చాలా ఆసక్తికరంగా ఉంది. తనకు వరుస సూపర్ హిట్స్ ఇచ్చిన బోయపాటి శ్రీను దర్శకత్వంలోనే మోక్షజ్ఞ ఎంట్రీ ఉంటుంది అని ఓ న్యూస్ బాగా చక్కర్లు కొడుతుంది.
అయితే త్వరలోనే ఈ విషయంపై పూర్తి క్లారిటీ రానుంది. అందరూ ఊహించినట్లుగానే బోయపాటినే దర్శకుడు అవుతాడా లేక మరో కొత్త దర్శకుడు మోక్షజ్ఞను లాంచ్ చేస్తారా అనేది వేచి చూడాలి. అయితే ప్రస్తుతం ఇండస్ట్రీ లో హీరోగా రాణించాలంటే ఒక్క బ్యాక్ గ్రౌండ్ ఉంటే సరిపోదు కాస్త అదృష్టం కూడా ఉండాలి.