గ్లోబల్ స్టార్ రామ్ చరణ్ నటిస్తున్నతాజా సినిమా ‘గేమ్ ఛేంజర్’ కోసం ప్రేక్షకులు ఎంత ఆసక్తిగా ఎదురు చూస్తున్నారు. ఈ సినిమాను డైరెక్టర్‌ శంకర్ తెరకెక్కిస్తున్నాడు. దీంతో అభిమానుల్లో ఈ సినిమాపై బజ్ నెక్స్ట్ లెవెల్‌లో ఏర్పడింది. ఇక ఈ సినిమాను సంక్రాంతి కానుకగా విడుదల చేస్తుండటంతో ప్రేక్షకులు ఈ సినిమాను చూసేందుకు సిద్దంగా ఉన్నారు.
తాజాగా ఈ సినిమా ప్రమోషన్స్‌ను మేకర్స్ వేగవంతం చేశారు . జనవరి 2న ఈ సినిమా ట్రైలర్‌ను గ్రాండ్‌గా లాంచ్ చేసేందుకు మేకర్స్ రెడీ అయ్యారు. అయితే, ఈ సినిమాలో రామ్ చరణ్ రెండు పాత్రల్లో నటిస్తున్నాడని.. అందులో ఒకటి ఫ్లాష్‌బ్యాక్‌లో వచ్చే పాత్ర.. మరొకటి ఐఏఎస్ పాత్ర అని ఇప్పటివరకు చిత్ర యూనిట్ చెబుతూ వచ్చింది.
తాజాగా ఈ సినిమాలో రామ్ చరణ్ ఐపీఎస్‌గా కనిపించబోతున్నట్లు ఓ పోస్టర్‌ను చిత్ర యూనిట్ తాజాగా విడుదల చేసింది. దీంతో అసలు ఈ సినిమాలో రామ్ చరణ్ ఎన్ని పాత్రల్లో కనిపిస్తాడా అనే చర్చ జోరుగా సాగుతోంది. డైరెక్టర్‌ శంకర్ ఏదో గట్టిగా ప్లాన్ చేసినట్లు అభిమానులు చెప్పుకుంటున్నారు. మొత్తానికి ఒక్క పోస్టర్‌తో ‘గేమ్ ఛేంజర్’ను మళ్లీ హాట్ టాపిక్‌గా మార్చేశారు నిర్మాతలు.