మెగాస్టార్‌ చిరంజీవి ప్రధాన పాత్రలో నటిస్తున్న తాజా చిత్రం విశ్వంభర. ఈ సినిమాను యంగ్‌ అండ్‌ టాలెంటెడ్‌ డైరెక్టర్ వశిష్ట తెరకెక్కిస్తున్నారు. ఈ సినిమా బిగ్గెస్ట్ సోషియో ఫాంటసీ చిత్రంగా పాన్ ఇండియా స్థాయిలో తెరకెక్కుతుంది. ఈ సినిమాలో స్టార్ హీరోయిన్ త్రిష చిరంజీవి సరసన హీరోయిన్ గా నటిస్తుంది.
త్రిష , చిరు కాంబోలో సుమారు 18 ఏళ్ల తరువాత ఈ సినిమా తెరకెక్కుతుంది. ప్రస్తుతం ఈ సినిమా షూటింగ్ శరవేగంగా జరుగుతుంది.ఈ చిత్రాన్ని యూవీ క్రియేషన్స్‌ బ్యానర్‌ పై వంశీ, ప్రమోద్ విక్రమ్‌ భారీ బడ్జెట్ తో నిర్మిస్తున్నారు. ఈ చిత్రానికి లెజెండరీ మ్యూజిక్ డైరెక్టర్ ఎంఎం కీరవాణి మ్యూజిక్ , బ్యాక్‌ గ్రౌండ్‌ స్కోర్‌ అందిస్తున్నారు.
ఇదిలా ఉంటే తాజాగా ఈ సినిమాకు సంబంధించి ఓ ఇంట్రెస్టింగ్ న్యూస్ సోషల్ మీడియాలో వైరల్ గా మారింది.ఈ సినిమాలో త్రిషతో పాటు మరో సీనియర్ హీరోయిన్ కూడా నటించబోతున్నట్లు సమాచారం.ఆ సీనియర్ హీరోయిన్ ఎవరో కాదు.. నటి ఖుష్బూ. అయితే ఈ సినిమాలో ఖుష్బూ పాత్ర కోసం మొదటగా సీనియర్ నటి విజయశాంతిని సంప్రదించగా ఆమె అంగీకరించలేదని సమాచారం. దీంతో ఖుష్బూ ఓకే చెప్పినట్లు సమాచారం. త్వరలోనే చిత్ర యూనిట్ ఈ విషయంపై అధికారక ప్రకటన చేసే అవకాశం ఉంది.