ఎన్టీఆర్ ‘దేవర’ సినిమా మొత్తానికి బాక్సాఫీస్ను అయితే షేక్ చేస్తోంది. భారీ అంచనాల మధ్య వచ్చిన ఈ సినిమా ప్రపంచవ్యాప్తంగా భారీ కలెక్షన్స్ ను వసూలు చేస్తోంది. ఎలాగూ దసరా సెలవులు కూడా వచ్చాయి. కాబట్టి, దేవరకి కలెక్షన్స్ ఇంకా పెరిగే అవకాశాలున్నాయి. ఈ నేపథ్యంలోనే దేవర టీమ్ ముమ్మరంగా ప్రమోషన్స్ చేస్తోంది. ఈ క్రమంలోనే ఎన్టీఆర్ పలు ఇంటర్వ్యూలు కూడా ఇస్తున్నాడు.
కాగా ‘దేవర’ సినిమాలో అండర్ వాటర్ సీన్ల కోసం డ్రై ఫర్ వెట్ టెక్నిక్ వాడినట్లు ఎన్టీఆర్ చెప్పుకొచ్చారు. ఈ సాంకేతిక గురించి ఎన్టీఆర్ మాట్లాడుతూ… ‘ఈ డ్రై ఫర్ వెట్ టెక్నిక్ సాంకేతికను హాలీవుడ్ చిత్రం అక్వామ్యాన్లో ఉపయోగించారు. మనం వాటర్లో లేకపోయినా ఉన్నట్లుగా సీజీ వర్క్ ఉపయోగించి అలా చూపించారని ఎన్టీఆర్ చెప్పుకొచ్చారు.
కాగా కొరటాల శివ దర్శకత్వం వహించిన ఈ సినిమాలో సైఫ్ అలీఖాన్, జాన్వీ కపూర్, శ్రీకాంత్, ప్రకాష్ రాజ్, అజయ్, మురళీ శర్మ కీలక పాత్రల్లో నటించారు. అనిరుధ్ మ్యూజిక్ అందించారు. ఇక ‘దేవర 2’ ప్రీ ప్రొడక్షన్ వర్క్ మరో రెండు నెలలు తర్వాత మొదలు కాబోతుందని చెప్పుకొచ్చారు.