జూనియర్ ఎన్టీఆర్ దేవర: పార్ట్ 1 ప్రమోషన్స్ కోసం ప్రస్తుతం ముంబైకి వెళ్లిన సంగతి తెలిసిందే. అయితే, దేవర ట్రైలర్ లాంచ్‌కు ముందు, ఎన్టీఆర్.. అర్జున్ రెడ్డి, యానిమల్ చిత్రాల దర్శకుడు సందీప్ రెడ్డి వంగాతో కలిసున్న ఓ ఫొటో వైరల్ గా మారింది. తారక్ – సందీప్ రెడ్డి చర్చకు సంబంధించిన ఫొటో ఇంటర్నెట్‌లో ప్రస్తుతం సంచలనంగా మారింది.
ఈ ఫొటో చూసిన వారు, వారిద్దరూ కొత్త ప్రాజెక్ట్‌ కోసం కలిశారని తెలుస్తుంది. అయితే ఈ ఇద్దరి సమావేశం జస్ట్ సాధారణం అని, వీరు కలిసి ఇప్పట్లో సినిమా చేసే ఉద్దేశం లేదని సమాచారం. కొరటాల శివ దర్శకత్వం వహించిన ఈ పాన్-ఇండియన్ యాక్షన్ డ్రామా సెప్టెంబర్ 27న అభిమానుల ముందుకు రాబోతున్న సంగతి తెలిసిందే.
దేవర చిత్రంలో జాన్వీ కపూర్, సైఫ్ అలీ ఖాన్, ప్రకాష్ రాజ్, షైన్ టామ్ చాకో, శ్రీకాంత్, మురళీ శర్మ ముఖ్యమైన పాత్రలు పోషిస్తున్నారు. ఈ చిత్రానికి అనిరుధ్ రవిచందర్ సంగీతం అందించారు. ఎన్టీఆర్ ఆర్ట్స్ , యువ సుధ ఆర్ట్స్ సంయుక్తంగా ఈ చిత్రాన్ని నిర్మించాయి