ప్రముఖ నటుడు, డైరెక్టర్‌, మాటల రచయిత సముద్ర ఖని, స్టార్‌ కమెడియన్ ధన్ రాజ్ ప్రధాన పాత్రల్లో యాక్ట్‌ చేస్తున్న సినిమా రామం రాఘవం. తండ్రీ కొడుకుల మధ్య సాగే ఎమోషనల్ స్టోరీ గా ఈ సినిమా రూపుదిద్దుకుంటుంది. ఇప్పటికే ఈ చిత్రం నుండి విడుదలైన ప్రచార చిత్రాలకి మంచి రెస్పాన్స్ వచ్చింది. తాజాగా ఈ సినిమా సెన్సార్ కార్యక్రమాలను పూర్తి చేసుకుంది. సెన్సార్ బోర్డు వారు ఈ చిత్రానికి యూ/ఏ సర్టిఫికెట్ ఇచ్చారు. ఇదే విషయాన్ని మూవీ మేకర్స్‌ కొత్త పోస్టర్‌ విడుదల చేసి అభిమానులకు, ప్రేక్షకులకు తెలియజేశారు.
ధన్ రాజ్ డైరెక్షన్‌ లో రూపుదిద్దుకుంటున్న ఈ సినిమాలో హరీష్ ఉత్తమన్, సత్య, మోక్ష సేన్ గుప్తా, శ్రీనివాస్ రెడ్డి, పృథ్వీ రాజ్ లు కీలక పాత్రల్లో నటించనున్నట్లు సమాచారం. అరుణ్ చిలువేరు సంగీతం అందిస్తున్న ఈ సినిమాని స్లేట్ పెన్సిల్ స్టోరీస్ బ్యానర్ పై పృథ్వీ పొలవరపు నిర్మించిన సంగతి తెలిసిందే. ఈ చిత్రం పై ప్రేక్షకుల్లో భారీ అంచనాలు నెలకొన్నాయి.