రజనీకాంత్ తో సినిమా అలా మిస్ అయిపోయింది! స్టార్ నటుడిగా అలాగే స్టార్ దర్శకుడిగా సౌత్ లో మంచి పేరు తెచ్చుకున్నాడు హీరో పృథ్వీరాజ్ సుకుమారన్. తాను ఎంతో ఆసక్తిగా ఎదురుచూస్తున్న ప్రాజెక్ట్, ‘లూసిఫర్‌2: ఎంపురాన్‌ (రాజు కన్నా గొప్పవాడు)’ విడుదలకు సిద్దంగా ఉంది.
మోహన్ లాల్ ప్రధాన పాత్రలో నటించిన ఈ సినిమా ట్రైలర్ ఒక గ్రాండ్ ఈవెంట్‌లో విడుదలైంది. ఈ ట్రైలర్ చాలా మందిని ఆకట్టుకుంది. అయితే, ఈ కార్యక్రమంలో, పృథ్వీరాజ్ ఒక ఆసక్తికరమైన విషయాన్ని అభిమానులతో పంచుకున్నాడు. ఇంతకీ, పృథ్వీరాజ్ సుకుమారన్ ఏం అన్నారంటే… ‘లైకా ప్రొడక్షన్స్ సంస్థ గతంలో సూపర్ స్టార్ రజనీకాంత్ తో దర్శకుడిగా ఓ సినిమా చేయమని నన్ను అప్రోచ్‌అయ్యింది.
నాలాంటి యంగ్‌ డైరెక్టర్‌ కి ఆ అవకాశం గొప్పది. పైగా అది నా కల కూడా. అయితే, ఆ ప్రాజెక్టు అనుకున్నట్లుగా ప్రారంభం అవ్వలేదు. నిర్మాణ సంస్థకి నచ్చే విధంగా ఓ గొప్ప కథను నేను ఆ టైమ్‌లో రాయలేకపోయాను’ అని పృథ్వీరాజ్ అన్నారు. దాంతో ఆ సినిమా అలా మిస్ అయిపోయిందంట.