యూనివర్సల్ హీరో కమల్ హాసన్ నటించిన కొత్త సినిమా థగ్ లైఫ్ రిలీజ్కు సర్వం సిద్ధమైంది. జూన్ 5న ఈ చిత్రం ప్రపంచవ్యాప్తంగా గ్రాండ్గా విడుదల కాబోతోంది. ఈ సినిమాకు లెజెండరీ డైరెక్టర్ మణిరత్నం దర్శకత్వం వహించడంతో, ప్రేక్షకుల్లో అంచనాలు భారీగా పెరిగిపోయాయి. ఇప్పటికే విడుదలైన ట్రైలర్, పాటలు, ప్రమోషనల్ వీడియోలు సినిమాపై పాజిటివ్ బజ్ను తీసుకొచ్చాయి.
కమల్ హాసన్ నటించడమే కాకుండా, ఈ సినిమాను ఆయన మణిరత్నంతో కలిసి నిర్మించారు. అత్యంత భారీగా రూ.200 కోట్ల వ్యయంతో రూపొందిన ఈ చిత్రం, రిలీజ్కి ముందే బిజినెస్ పరంగా మంచి రిటర్న్స్ అందుకుంది. కోలీవుడ్ వర్గాల సమాచారం ప్రకారం, ఓటీటీ హక్కుల ద్వారా రూ.130 కోట్లు, శాటిలైట్ రైట్స్ రూపంలో రూ.60 కోట్లు, మ్యూజిక్ హక్కుల ద్వారా మరో రూ.20 కోట్లు వచ్చినట్లు తెలుస్తోంది. ఇలా థియేటర్లలో విడుదలకు ముందే మంచి రాబడి వచ్చిన కారణంగా, నిర్మాతలు సంతృప్తిగా ఉన్నారు.
ఈ సినిమాలో కమల్ హాసన్కు తోడుగా శింబు, త్రిష, అశోక్ సెల్వన్, జోజు జార్జ్ వంటి నటులు కీలక పాత్రలు పోషిస్తున్నారు. మ్యూజిక్ డైరెక్టర్ ఏఆర్ రెహమాన్ సంగీతం అందించడంతో సంగీత ప్రేమికుల్లో కూడా ఆసక్తి ఎక్కువగా ఉంది. మొత్తంగా చూస్తే, థగ్ లైఫ్ సినిమా విడుదలకు ముందు నుంచే భారీ హైప్లో ఉండగా, బాక్సాఫీస్ వద్ద ఎలా దూసుకెళ్తుందో అన్నది ఆసక్తికరంగా మారింది.