చేతినిండా సినిమాలతో ముందుకు దూసుకుపోతున్నాడు యంగ్‌ రెబల్‌ స్టార్‌ ప్రభాస్. ఈ మధ్యనే హను రాఘవపూడి దర్శకత్వంలో ఒక సినిమా పూజా కార్యక్రమం కూడా మొదలు పెట్టాడు. మరోపక్క సందీప్ రెడ్డి వంగా డైరెక్షన్‌ లో కూడా ఒక సినిమా చేయడానికి గ్రీన్ సిగ్నల్ ఇచ్చాడు. ఈ సినిమాలు రెండు వచ్చే ఏడాది సెట్స్ మీదకు వెళ్లే అవకాశాలున్నాయి. ఇక ఆ సినిమాలు సెట్స్ మీదకు వెళ్లే లోపే మారుతీ దర్శకత్వంలో చేస్తున్న రాజా సాబ్ సినిమా షూటింగ్ పూర్తి చేయాలని గట్టి పట్టుదల మీదున్నాడు.
ఈ సినిమాలో తన పాత్రకు సంబంధించిన షూటింగ్ ఆ రెండు సినిమాల షూటింగ్స్ మొదలయ్యే లోపే పూర్తి చేసేయాలనే ఆలోచనలో ఉన్నట్లు తెలుస్తోంది. ఒక రకంగా చెప్పాలంటే ప్రభాస్ మారుతికి పెద్ద టార్గెట్ ఇచ్చాడని అక్టోబర్ లోపు తన పోర్షన్ సంబంధించిన షూటింగ్ అంతా పూర్తి చేయాలని కోరినట్లుగా సమాచారం.
.ఇప్పటివరకు ఈ సినిమాకి సంబంధించిన టాకీ మాత్రమే షూట్ చేస్తూ వస్తున్నారు. అయితే ప్రభాస్ కోరిన మేరకు సినిమా సాంగ్స్ కూడా మొదలుపెట్టే అవకాశం కనిపిస్తుంది. సినిమా ప్రస్తుతానికి 70% షూటింగ్ పూర్తి చేసుకోగా ప్రభాస్ జాయిన్ అయితే మిగతా 30% కూడా పూర్తవుతుందని అంటున్నారు. ప్రభాస్ మరే సినిమాకి డేట్స్ ఇవ్వకుండా ఈ సినిమాకి బల్క్ డేట్స్ ఇచ్చాడని వీలైనంత త్వరగా సినిమా పూర్తి చేయడానికి చిత్ర బృందం ప్రయత్నం చేస్తుందని టాక్‌ వినిపిస్తుంది.
ఏమైనా ఉంటే అక్టోబర్ లోపే చేసుకో ఆ తరువాత నన్నిక విసిగించద్దు బాబోయ్ అంటున్నాడట. ఇక ఈ సినిమాలో మాళవిక మోహనన్, నిధి అగర్వాల్తో పాటు మరో ముగ్గురు ముద్దుగుమ్మలు కూడా హీరోయిన్లుగా చేస్తున్నారు. ఏప్రిల్ 2025లో సినిమాని విడుదల చేసే అవకాశాలు కనిపిస్తున్నాయి. ముందు సంక్రాంతి అనుకున్నారు కానీ అప్పటికి సినిమా విడుదల కష్టంగానే ఉంది.