హీరోయిన్ పవిత్ర గౌడకు అసభ్య సందేశాలు పంపిన యువకుడిని హత్య చేశారనే ఆరోపణలు ఎదుర్కొంటున్న హీరో దర్శన్ ను అరెస్ట్‌ చేసిన సంగతి తెలిసిందే. అయితే దర్శన్ కు జైల్లో రాచమర్యాదలు లభిస్తున్నట్లు వార్తలు వినిపిస్తుండగా..పైగా ఓ ఫోటో కూడా జైలు నుంచి బయటకు వచ్చింది.
తాజాగా ఆ వార్తలకు ఇంకా బలం చేకూరుస్తూ ప్రస్తుతం ఓ వీడియో ప్రస్తుతం సోషల్ మీడియాలో వైరల్ గా మారింది. ఈ వీడియోలో దర్శన్ తన స్నేహితుడితో వీడియో కాల్‌ మాట్లాడినట్లుగా కనిపిస్తుంది. పైగా ఆ వీడియో కాల్‌ లోని వ్యక్తి అవతలి వైపు మరో వ్యక్తితో కూడా మాట్లాడినట్లు కనిపిస్తోంది.
25 సెకన్ల పాటు ఉన్న ఈ వీడియోలో దర్శన్ మంచి వెలుతురు ఉన్న గదిలో కూర్చొని మాట్లాడుతున్నట్లుగా తెలుస్తుంది. మొత్తానికి ఈ వీడియో వైరల్‌గా మారడంతో కన్నడ పోలీసులకు పెద్దతలనొప్పిగా తయారయ్యింది. మొత్తమ్మీద జైల్లో కూడా దర్శన్ రాచమర్యాదలు అందుకోవడం నిజంగా చెప్పుకొదగ్గ విశేషమే. ఈ వీడియో చూసిన నెటిజన్లు పోలీసు శాఖ తీరు పై మండిపడుతున్నారు.