తెలుగు చిత్ర సీమకు అనుష్క శెట్టి గురించి పెద్దగా పరిచయం అక్కర్లేదు. నాగార్జున హీరోగా నటించిన సూపర్‌ సినిమాతో టాలీవుడ్‌ లో ఎంట్రీ ఇచ్చింది. ఆ తరువాత అరుంధతి వంటి లేడీ ఓరియెంటెడ్ మూవీతో బ్లాక్ బస్టర్ విజయం అందుకుంది. ఈ సినిమాతో అనుష్క స్టార్ హీరోయిన్ మారిపోయింది. అద్భుతమైన నటనతో విమర్శకుల ప్రశంసలు అందుకుంది. అరుంధతి భారీ విజయాన్ని సాధించడంతో అనుష్కకు వరుస అవకాశాలు వచ్చాయి.
మహేష్ , ప్రభాస్ వంటి స్టార్ హీరోలతో జతకట్టింది. ఆ తరువాత బాహుబలి సినిమాతో పాన్ ఇండియా లెవల్లో బాగా పాపులర్ అయింది. ఆ తర్వాత మాత్రం ప్రేక్షకులను పలకరించడమే గగనం అయింది.ఈ భామ నిశ్శబ్దం, మిస్ శెట్టి మిస్టర్ పోలిశెట్టి లాంటి సినిమాలతో ప్రేక్షకుల ముందుకు వచ్చినా ఆ సినిమాలు అంతగా రాణించలేదు. ఇక ఆమె పెళ్లి గురించిన చర్చ ఎప్పటికప్పుడు తెరమీదకు వస్తూనే ఉంది.
ఇక ఇప్పుడు అనుష్కపై ఓ రూమర్ ఇంటర్నెట్‌లో హల్‌చల్ చేస్తోంది. అదేమంటే ఇప్పుడు 42 ఏళ్ల అనుష్క కన్నడ సినీ నిర్మాతను వివాహం చేసుకోనుందని సమాచారం. సోషల్ మీడియాలో ప్రచారంలో ఉన్న ఈ సమాచారంలో ఎంత నిజం ఉందో తెలియదు. కానీ నిజానికి కొన్నాళ్ల క్రితం మిస్ శెట్టి మిస్టర్ పోలిశెట్టి ప్రమోషన్స్ లో పెళ్లి గురించి ఆసక్తికర కామెంట్స్ చేసింది ఈ భామ.. తాను పెళ్లికి వ్యతిరేకం కాదని.. సమయం వచ్చినప్పుడు కచ్చితంగా పెళ్లి చేసుకుంటానని చెప్పింది. మరీప్పుడు అనుష్క పెళ్లి జరుగుతుందా? లేక ప్రచారానికి మాత్రమే పరిమితం అవుతుందా? అనేది తెలియాల్సి ఉంది.