టాలీవుడ్ నటీమణుల్లో మమత మోహన్ దాస్ గురించి ప్రత్యేకంగా చెప్పాల్సిన పని లేదు. కెరియర్ బిగినింగ్‌లోనే స్టార్ హీరోల సరసన ఆడిపాడి మంచి గుర్తింపు తెచ్చుకుంది. ఆమె కెరీర్ సక్సెస్ ఫుల్‌గా సాగుతుండగానే అనుకోకుండా క్యాన్సర్ బారిన పడి కోలుకుంది. ఆ తర్వాత టాలీవుడ్ ను వదిలి కేవలం తమిళ, మలయాళ చిత్రాల్లో యాక్ట్‌ చేస్తుంది.
ఈ క్రమంలోనే తాజాగా విశాల్‌తో ‘శిలపతికారం అనే సినిమాలో, విజయ్ సేతుపతితో మహారాజా సినిమాలో నటించింది మమతా. అయితే మహారాజా సినిమా ప్రమోషన్‌లో భాగంగా ఇంటర్వ్యూలో పాల్లొన్న ఈ ముద్దుగుమ్మ రజనీకాంత్ సినిమా కుసేలన్ పై హాట్ కామెంట్స్ చేసింది. ఆమె మాట్లాడుతూ.. కుసేలన్ మూవీలో ఓ పాట కోసం రజనీతో ఒప్పందం చేసుకుని 2 రోజుల పాటు షూటింగ్‌కి వెళ్లి ఎంతో కష్టపడి ఆ పాటను చేసాను.
అయితే ఆ సినిమాలో నేను చేసిన భాగం అంతా కూడా డిలీట్ అయింది. కేవలం ఆ పాటలో ఒక్క సెకను మాత్రమే నేను కనిపిస్తానని.. అది చూసిన నాకు అసలు కుసేలన్ సినిమాలో ఎందుకు నటించానో అని అనిపించిందని సంచలన కామెంట్స్ చేసింది. ప్రస్తుతం రజనీకాంత్ సినిమాపై మమతా చేసిన కామెంట్లు నెట్టింట వైరల్‌ గా మారాయి.