పవన్ కళ్యాణ్ హీరోగా నటించిన భారీ పాన్ ఇండియా చిత్రం “హరిహర వీరమల్లు” చివరికి మళ్లీ వార్తల్లోకి వచ్చింది. క్రిష్ జాగర్లమూడి దర్శకత్వంలో రూపొందిన ఈ హిస్టారికల్ యాక్షన్ డ్రామా ఎన్నో అడ్డంకుల్ని ఎదుర్కొంటూ ఎంతో కాలంగా రిలీజ్కి రెడీ అవుతోంది. నిధి అగర్వాల్ ఇందులో లీడ్ రోల్ చేయగా, జ్యోతికృష్ణ కూడా దర్శకుడిగా కొంత భాగం చూసుకున్నారని సమాచారం.
తాజాగా ఈ సినిమాకు సంబంధించిన ట్రైలర్ మీద ఫుల్ బజ్ క్రియేట్ అయింది. ఈ ట్రైలర్ను చూసిన పవన్ కళ్యాణ్ ఎంతో సంతోషంగా ఫీల్ అయ్యాడని ఇన్సైడ్ టాక్. రేపు ఈ ట్రైలర్ను గ్రాండ్గా రిలీజ్ చేయడానికి ప్లాన్ చేస్తున్నారు. కానీ ఆ ట్రైలర్కి సంబంధించి ఓ ఇంట్రెస్టింగ్ అప్డేట్ ఇప్పుడు చక్కర్లు కొడుతోంది.
సినిమాలో పవన్ క్యారెక్టర్ను ఎలివేట్ చేయడంలో ఈ ట్రైలర్ కీలకంగా మారబోతోందట. ఇక ఈ ట్రైలర్కు ఓ పవర్ఫుల్ వాయిస్ ఓవర్ కూడా ప్లాన్ చేశారట. వివరాల్లోకి వెళ్తే, ఈ ట్రైలర్కు అర్జున్ దాస్ తన డీప్ వాయిస్తో ఓవర్ ఇచ్చినట్లు సమాచారం. పవన్ ఓజి గ్లింప్స్ కోసం కూడా అర్జున్ వాయిస్ వినిపించిన సంగతి గుర్తుండే ఉంటుంది. అప్పట్లో ఆ గ్లింప్స్కి వచ్చిన రెస్పాన్స్ని బేస్ చేసుకుని, వీరమల్లు ట్రైలర్కూ ఆయన వాయిస్ ఓవర్ ప్లాన్ చేశారట.
అయితే దీనిపై ఇంకా అధికారికంగా ఎలాంటి సమాచారం రాలేదు కానీ ఫ్యాన్స్ మాత్రం ఈ వార్తపై జంప్ అవుతున్నారు. ట్రైలర్లో పవన్ పాత్ర ఎలా చూపించబడిందో, అర్జున్ వాయిస్ ఎలా హైలైట్ చేస్తుందో అని ఆతృతగా ఎదురు చూస్తున్నారు. ఈ టీజర్ వెర్షన్ విడుదలైతే సినిమాపై ఉన్న అంచనాలు మరింత పెరిగే అవకాశముంది.