టాలీవుడ్ లో ఎనర్జిటిక్ స్టార్ రామ్ పోతినేని ఓ క్రేజీ ప్రాజెక్ట్ తో వస్తున్నాడు. మహేష్ బాబు అనే దర్శకుడు తెరకెక్కిస్తున్న ఈ సినిమా పేరు “ఆంధ్రా కింగ్ తాలూకా”. ఇది సాధారణ సినిమా కాదు, ఓ ఫ్యాన్ జీవితాన్ని ఆధారంగా చేసుకుని తెరకెక్కిస్తున్న బయోపిక్ లాంటి సినిమా. ప్రస్తుతం ఈ ప్రాజెక్ట్ పక్కా మాస్ అటిట్యూడ్ తో, ఎమోషనల్ హైపేను కలిగించే సన్నివేశాలతో పూర్తి ఊపులో షూటింగ్ జరుపుకుంటోంది.
ఇటీవలే హైదరాబాద్ లోని కొన్ని ప్రముఖ థియేటర్స్ దగ్గర ఫ్యాన్స్ హంగామా ఎలా ఉంటుందో చూపించే సన్నివేశాలను షూట్ చేశారు. ఆ సీన్స్ కాస్తా సోషల్ మీడియాలో బాగా వైరల్ అయ్యాయి. ఇప్పుడు సినిమా యూనిట్ రాజమండ్రిలో ఉన్నట్లు సమాచారం. అక్కడ రామ్ తో పాటు టాలెంటెడ్ నటుడు రావు రమేష్ పాల్గొనే కొన్ని కీలక సన్నివేశాలను తెరకెక్కిస్తున్నారు.
ఇదిలా ఉండగా, రామ్ కి జోడీగా ఈ సినిమాలో భాగ్యశ్రీ బోర్సే నటిస్తోంది. ఈ కాంబినేషన్ మీద ఇప్పటికే ఫ్యాన్స్ లో మంచి క్రేజ్ ఉంది. సంగీతం విషయంలో చూస్తే, విభిన్నమైన మ్యూజిక్ స్టైల్ తో ప్రసిద్ధులైన వివేక్ – మెర్విన్ ఈ చిత్రానికి ట్యూన్స్ అందిస్తున్నారు. ఇక ఈ సినిమాను టాలీవుడ్ ప్రముఖ నిర్మాణ సంస్థ మైత్రి మూవీ మేకర్స్ ప్రొడ్యూస్ చేస్తోంది.
ఈ చిత్రానికి సంబంధించిన వర్కింగ్ స్టిల్స్ సోషల్ మీడియాలో చూసినవారిలో క్యూరియాసిటీ పెంచుతున్నాయి. రామ్ మాస్ అవతారాన్ని మరోసారి తెరపై చూడాలనే ఆసక్తితో అభిమానులు ఎదురు చూస్తున్నారు.