సూపర్ స్టార్ రజినీకాంత్ ప్రధాన పాత్రలో తెరకెక్కుతున్న తాజా చిత్రం ‘కూలీ’ గురించి ప్రస్తుతం సినిమాల వర్గాల్లోనూ, ఫ్యాన్స్ మధ్యనూ మంచి హైప్ ఏర్పడింది. ఈ సినిమాను పాన్ ఇండియా స్థాయిలో భారీగా రిలీజ్ చేసేందుకు మేకర్స్ ప్లాన్ చేస్తున్నారు. అయితే హిందీ వెర్షన్ టైటిల్ విషయంలో కొంతకాలంగా చిన్న కన్ఫ్యూజన్ నెలకొని ఉంది.
ఇప్పటికే హిందీలో ‘కూలీ’ అనే పేరుతో టైటిల్ రిజిస్టర్ అయిపోయిన కారణంగా, అక్కడ మరో పేరుతో రిలీజ్ చేయాల్సిన పరిస్థితి వచ్చింది. మొదట్లో ‘మజ్దూర్’ అనే టైటిల్ మీద చర్చలు నడిచినట్టు వార్తలు వినిపించాయి. అయితే తాజాగా హిందీలో ఈ సినిమాకు ‘కూలీ – ది పవర్హౌస్’ అనే పేరునే ఫిక్స్ చేసినట్టు చిత్రబృందం స్పష్టత ఇచ్చింది. ఈ అప్డేట్తో పాటు కొత్త పోస్టర్ను కూడా విడుదల చేశారు.
ఈ సినిమాలో రజినీకాంత్ సరసన అక్కినేని నాగార్జున, ఉపేంద్ర, శ్రుతి హాసన్ వంటి ప్రముఖులు కీలక పాత్రల్లో కనిపించనున్నారు. అనిరుధ్ రవిచందర్ మ్యూజిక్ అందిస్తుండగా, భారీ బడ్జెట్తో సన్ పిక్చర్స్ ఈ చిత్రాన్ని నిర్మిస్తోంది. ఈ గ్రాండ్ యాక్షన్ ఎంటర్టైనర్ను ఆగస్టు 14న ప్రపంచవ్యాప్తంగా థియేటర్లలోకి తీసుకురావడానికి ఏర్పాట్లు జరుగుతున్నాయి.
రజినీ కెరీర్లో ఈ సినిమా మరో హై వోల్టేజ్ ప్రాజెక్ట్గా నిలవనుందని అంచనాలు ఉన్నాయి. ఇప్పటికే రిలీజైన ఫస్ట్ లుక్, పోస్టర్లు సినిమాపై ఆసక్తిని పెంచేశాయి.