ప్రస్తుతం యువతకి సినిమా పాటలంటే ఓ ప్రత్యేకమైన క్రేజ్ కనిపిస్తోంది. లిరిక్స్ ఆకట్టుకునేలా ఉండాలి, బీట్ ఊపిరి పీల్చనివ్వకుండా ఉండాలి, ఓ మాస్ అటిట్యూడ్ అవసరం. అలా అయితే మాత్రం ఆ పాట సోషల్ మీడియాలో వైరల్ అవ్వడం ఖాయం. గత కొంతకాలంగా తమిళ సంగీత దర్శకుడు అనిరుధ్ అందించిన పాటలు యువతని విపరీతంగా ఆకట్టుకున్నాయి. మాస్టర్, బీస్ట్ లాంటి సినిమాల్లో పాటలు ఊహించని స్థాయిలో హిట్ అయ్యాయి. జైలర్ సినిమా నుంచి వచ్చిన హుకుం పాట అయితే ట్రెండ్ ని రీడిఫైన్ చేసింది. ఫ్యాన్స్ ఎడిట్స్ చేయడం, సోషల్ మీడియా రీల్లు, మాస్ సెలెబ్రేషన్స్ అన్నీ దానికి నిదర్శనాలే.
ఇక ఈ మాస్ మ్యూజిక్ ఫీవర్ కి మన టాలీవుడ్ నుంచే ధీటుగా జవాబు ఇచ్చాడు థమన్. రవితేజ హీరోగా వస్తున్న డాకు మహారాజ్ సినిమాలో టైటిల్ సాంగ్ ఓ సెన్సేషన్ లా మారింది. విడుదలైన మొదటి రోజునుంచే ఈ పాటకు భారీ రెస్పాన్స్ వచ్చేసింది. తమిళ పాటలకి తెలుగు ఫ్యాన్స్ ఎడిట్స్ చేసేవారు, కానీ ఇప్పుడు తెలుగులో డాకు పాటకు తమిళ యువతే ఎడిట్స్ చేస్తుండటం విశేషం.
ఇక తాజాగా ఈ సినిమాలో నుంచి వచ్చిన మరో సాంగ్ ‘సర్కారురా’ కూడా మొదటి సాంగ్ ను మించిపోయే స్థాయిలో రెస్పాన్స్ తెచ్చుకుంది. అన్ని కోణాల్లో ఈ పాట యూత్ ని ఆకట్టుకుంటోంది. అన్ని ఫ్యాన్సు బేస్ల్లోనూ ఈ పాటకి సంబంధించి రీల్స్, వీడియో ఎడిట్స్ స్టార్ట్ కావడం చూస్తే స్పష్టంగా అర్థమవుతోంది.
ఓవరాల్ గా చెప్పాలంటే, తమిళ మ్యూజిక్ కి పోటీగా తెలుగు సంగీత దర్శకుడు థమన్ తన మార్క్ మాస్ బీట్ తో యూత్ కి మంచి హై ఇచ్చాడనిపిస్తోంది. ఈ పాటలతో డాకు మహారాజ్ సినిమాపై కూడా అంచనాలు అమాంతం పెరిగిపోయాయి.