ప్రభాస్ హీరోగా చేస్తున్న సినిమాల జాబితాలో ఇప్పుడు సందీప్ రెడ్డి వంగా దర్శకత్వంలో రూపొందుతున్న సినిమా కూడా మంచి హైప్ క్రియేట్ చేసింది. ఈ ప్రాజెక్ట్ షూటింగ్ త్వరలో మొదలుకానుంది. అయితే రీసెంట్ గా ఈ సినిమాకి సంబంధించిన హీరోయిన్ అంశం పెద్ద చర్చకు దారి తీసింది. ఇంతవరకు రకరకాల గాసిప్స్ విన్న ప్రేక్షకులకు క్లారిటీ ఇస్తూ మేకర్స్ తాజాగా త్రిప్తి డిమ్రీని ఫీమేల్ లీడ్ గా అధికారికంగా ప్రకటించారు.
త్రిప్తి డిమ్రీ పేరు బయటకొచ్చిన వెంటనే ఫిల్మ్ సర్కిల్స్ లో ఒక దశలో కొన్ని ఆర్థిక లెక్కలు కూడా చర్చకు వచ్చాయి. దీపికా పదుకునేను ఫైనల్ చేస్తారన్న వార్తలు విన్నవారికి ఇప్పుడు త్రిప్తి ఎంపిక ఒక ఆశ్చర్యం అనిపించొచ్చు కానీ, ఇదివరకు ‘యానిమల్’ సినిమాలో సందీప్ ఆమెతో పనిచేసిన తీరు చూసినవాళ్లకు ఇది పెద్ద సర్ప్రైజ్ కాకపోవచ్చు. యానిమల్ తో త్రిప్తి గేమ్ ఛేంజ్ అవ్వడం అందరికీ తెలిసిందే. ఆ అనుభవం వల్లే ఈ కొత్త సినిమాకి కూడా ఆమె మరింత డెడికేషన్ చూపుతుందని ఫ్యాన్స్ అనుకుంటున్నారు.
మరోవైపు త్రిప్తి ఎంట్రీతో మేకర్స్ ఖర్చు కూడా పెద్దగా తగ్గినట్టు పరిశ్రమలో టాక్. దీపికా స్థానంలో త్రిప్తిని తీసుకోవడం ద్వారా భారీ బడ్జెట్ తగ్గించుకోవడం సాధ్యమైందన్నది ఇన్సైడ్ టాక్. పైగా త్రిప్తి కేవలం బడ్జెట్ పరంగానే కాకుండా స్క్రీన్ మీద కూడా యంగ్, ఫ్రెష్ లుక్ తో కొత్త ఎనర్జీని తీసుకురావడానికి కరెక్ట్ అని సినీ వర్గాలు చెప్పుకుంటున్నాయి.
ఇలా చూస్తే ఈ ప్రాజెక్ట్ చాలా విషయాల్లో చక్కగా సెట్ అవుతోంది. హీరో ప్రభాస్ క్రేజ్, దర్శకుడు సందీప్ రెడ్డి వంగా టాలెంట్, కొత్తగా తీసుకున్న హీరోయిన్ త్రిప్తి డిమ్రీ ఎనర్జీ ఇవన్నీ కలసి ఈ సినిమా మీద మరింత హైప్ పెంచుతున్నాయి. అభిమానులు ఇప్పుడు ఈ కాంబినేషన్ ఏ సెన్సేషన్ సృష్టిస్తుందో ఆసక్తిగా ఎదురుచూస్తున్నారు.