బాలీవుడ్ దర్శకుడు నితేశ్ తివారి ఎంతో ప్రతిష్టాత్మకంగా తెరకెక్కిస్తున్న భారీ ప్రాజెక్ట్ రామాయణం ఇప్పుడు అందరి దృష్టిని ఆకర్షిస్తోంది. ఇందులో రణబీర్ కపూర్ శ్రీరాముడిగా నటిస్తుండగా, సాయి పల్లవి సీతాదేవి పాత్రలో కనిపించబోతున్నారు. ఇప్పటి వరకూ వస్తున్న సమాచారం ప్రకారం, ఈ సినిమా విజువల్స్ పరంగా అత్యున్నత స్థాయిలో రూపొందుతుండటంతో ప్రేక్షకులకు ఒక గ్రాండ్ అనుభూతిని ఇవ్వనుందని చెబుతున్నారు.
ఈ చిత్రంలో రావణునిగా నటించేందుకు కన్నడ స్టార్ యష్ను ఎంపిక చేశారు. ఆయన పాత్రకు సంబంధించి స్పెషల్ లుక్, పవర్ ఫుల్ స్క్రీన్ ప్రెజెన్స్ ఉంటుందని అంచనాలు ఉన్నాయి. రామాయణం ప్రాజెక్ట్ను రెండు భాగాలుగా నిర్మిస్తున్నారు. మొదటి పార్ట్ను 2026 లో దీపావళి సందర్భంగా థియేటర్లలో విడుదల చేయాలనే ఆలోచనలో ఉన్నారని, రెండో భాగాన్ని 2027 దీపావళికి తెరపైకి తీసుకురావాలని ప్లాన్ చేస్తున్నారు.
ఈ సినిమాకి సంబంధించి మరో ఇంట్రెస్టింగ్ విషయం ఏంటంటే, ఇందులో సన్నీ డియోల్, రకుల్ ప్రీత్ సింగ్, లారా దత్తా వంటి ప్రముఖులు కూడా కీలక పాత్రలు పోషిస్తున్నారు. ఈ ప్రాజెక్ట్ పాన్ ఇండియా లెవెల్లో తెరకెక్కుతుండటంతో, అన్ని భాషల ప్రేక్షకుల్లో భారీ స్థాయిలో ఆసక్తి ఏర్పడింది.
భారతీయ సంప్రదాయ కథలలో అత్యంత పవిత్రంగా భావించే రామాయణం ఆధారంగా ఈ సినిమా రూపొందుతుండటంతో, ప్రతి వర్గానికి కనెక్ట్ అయ్యే అవకాశం ఉంది. టెక్నికల్ వర్క్, విఎఫ్ఎక్స్ మరియు ప్రొడక్షన్ వాల్యూస్ విషయంలో ఈ సినిమాని ఇండియన్ సినిమాలో ప్రత్యేక స్థాయిలో నిలిపేందుకు టీం కృషి చేస్తోంది.