టాలీవుడ్ లో ఎంటర్టైన్ మెంట్ కి మారుపేరు అయిన శ్రీవిష్ణు మరోసారి తన మార్క్ చూపించాడు. ఆయన హీరోగా, ఇవానా మరియు కేతిక శర్మ హీరోయిన్లుగా నటించిన తాజా చిత్రం “సింగిల్” ఇటీవలే ప్రేక్షకుల ముందుకు వచ్చింది. కార్తీక్ రాజు దర్శకత్వం వహించిన ఈ సినిమా థియేటర్లలో రిలీజ్ అయినప్పటి నుంచి మంచి స్పందన అందుకుంటూ ముందుకు సాగుతోంది.
రిలీజ్ అయ్యి కేవలం వారం రోజుల్లోనే ఈ సినిమా మంచి కలెక్షన్లతో దూసుకుపోతోంది. ట్రేడ్ వర్గాల సమాచారం ప్రకారం, ఈ సినిమా ప్రపంచవ్యాప్తంగా రూ.25 కోట్ల గ్రాస్ ను వసూలు చేసి శ్రీవిష్ణు కెరీర్ లో మరో పెద్ద హిట్ గా నిలిచింది. గతంలో “సామజవరగమన” సినిమాతో పెద్ద విజయం అందుకున్న శ్రీవిష్ణుకు, “సింగిల్” రూపంలో మరో బ్లాక్ బస్టర్ వచ్చింది.
కథలో కామెడీ, ఎమోషన్, రొమాన్స్ అన్నీ మిశ్రమంగా ఉండటంతో ప్రేక్షకులు ఈ సినిమాకి బాగా కనెక్ట్ అయ్యారు. ముఖ్యంగా రాజేంద్ర ప్రసాద్ చేసిన పాత్రకి మంచి ఆదరణ లభించగా, వెన్నెల కిషోర్ కామెడీ టైమింగ్ తో ప్రేక్షకులను బాగా నవ్వించాడు. విశాల్ చంద్రశేఖర్ అందించిన సంగీతం సినిమాకు మంచి బలంగా నిలిచింది.
గీతా ఆర్ట్స్ సమర్పణలో తెరకెక్కిన ఈ చిత్రం, కథా నేపథ్యం, నటుల ప్రదర్శన, టెక్నికల్ వర్క్ ఇలా అన్ని పరంగా మంచి మార్కులు కొట్టుకుంటూ, బాక్సాఫీస్ వద్ద మాస్ ఆడియన్స్ తో పాటు ఫ్యామిలీ ఆడియన్స్ ని కూడా ఆకట్టుకుంది. మొదటి వారమే ఇంత గ్రాండ్ గా క్లిక్ అవ్వడం చూసి, ఇండస్ట్రీలో ఈ సినిమాపై మంచి హైప్ నెలకొంది