టాలీవుడ్లో మాస్ ఫాలోయింగ్ ఉన్న హీరోలలో ఎన్టీఆర్ పేరు ముందు వరుసలో ఉంటుంది. ప్రస్తుతం ఆయన ప్రశాంత్ నీల్ దర్శకత్వంలో ఓ కొత్త సినిమా చేస్తుండటం సినీ వర్గాల్లో హాట్ టాపిక్గా మారింది. ఇప్పటికే ఈ చిత్రం షూటింగ్ మొదలైందన్న సంగతి తెలిసిందే. పూర్తిగా యాక్షన్ నేపథ్యంతో రూపొందిస్తున్న ఈ సినిమా భారీ స్థాయిలో రూపొందుతోంది.
తాజాగా ఈ సినిమా టీం నుంచి ఒక ఆసక్తికరమైన అప్డేట్ వచ్చింది. తొలి షెడ్యూల్ను కర్ణాటకలో పూర్తి చేసినట్లు చిత్రబృందం వెల్లడించింది. ఈ షెడ్యూల్లో ఎన్టీఆర్ పాల్గొన్న కొన్ని హై ఓక్టేన్ యాక్షన్ సీన్లను చిత్రీకరించినట్టు సమాచారం.
ఈ సినిమాలో ఎన్టీఆర్ తన అభిమానులను ఆశ్చర్యపరిచే విధంగా పూర్తిగా కొత్త లుక్లో కనిపించనున్నాడట. అలాగే హీరోయిన్గా రుక్మిణి వసంత్ ఎంపికైందనే ప్రచారం కూడా జోరుగా సాగుతోంది.