దాని మీద కన్నేసిన సూర్య! తమిళ స్టార్ హీరో సూర్య నటించే ప్రతి సినిమాని తెలుగులోనూ డబ్ చేసి విడుదల చేస్తుంటారు. ఆయనకు టాలీవుడ్లో ఉన్న ఫాలోయింగ్ గురించి అందరికీ తెలిసిందే. హిట్, ఫ్లాప్తో సంబంధం లేకుండా సూర్య సినిమాలను ఇక్కడ మంచి బజ్తో విడుదల చేస్తారు. అయితే, గత కొంత కాలంగా సూర్య నటించిన ఏ సినిమా కూడా టాలీవుడ్ బాక్సాఫీస్ దగ్గర చెప్పుకోదగ్గ స్థాయిలో విజయాన్ని అందుకోలేకపోయింది. దీంతో ఈసారి తెలుగు మార్కెట్పై సూర్య ఫోకస్ పెంచినట్లుగా తెలుస్తోంది. ఆయన నటిస్తున్న తాజా సినిమా ‘రెట్రో’ ఇప్పటికే షూటింగ్ పనులు ముగించుకుని విడుదలకు సిద్ధం అయ్యింది. ఈ సినిమాను దర్శకుడు కార్తీక్ సుబ్బరాజ్ డైరెక్ట్ చేస్తుండటంతో ప్రేక్షకుల్లో ఈ మూవీపై అంచనాలు క్రియేట్ అయ్యాయి. ఇక కార్తీక్ సుబ్బరాజ్కి కూడా తెలుగులో మంచి క్రేజ్ ఉంది. దీంతో రెట్రో చిత్రానికి సంబంధించిన డబ్బింగ్ విషయంలో చిత్ర యూనిట్ ఎక్స్ట్రా కేర్ తీసుకుంటున్నట్లు తెలుస్తోంది. ఈ సినిమా కోసం సూర్య స్వయంగా డబ్బింగ్ చెప్పుకుంటున్నాడని.. తెలుగు భాషను ఈసారి మరింత పర్ఫెక్ట్గా మాట్లాడేందుకు ఆయన కష్టపడుతున్నాడట.
దాని మీద కన్నేసిన సూర్య!
Saturday, January 31, 2026
