‘అల్లు అర్జున్’ బాక్సాఫీస్ దగ్గర కూడా తాను ఐకాన్ స్టారే అని ‘ ‘పుష్ప 2 ది రూల్’తో మరోసారి నిరూపించుకున్నాడు. ఈ సినిమా బాక్సాఫీస్‌ను షేక్ చేస్తూ ప్రపంచవ్యాప్తంగా అద్భుతంగా కలెక్షన్స్ ను వసూలు చేస్తోంది. ఇప్పటికే, ఈ సినిమా ప్రపంచవ్యాప్తంగా రూ.621 కోట్లను వసూలు చేసి .. అత్యంత వేగంగా ఈ మైలురాయిని సాధించిన భారతీయ చిత్రంగా కూడా ‘పుష్ప 2’ రూపొందింది.
ఈ నేపథ్యంలో ఇప్పుడు బన్నీ తర్వాత చేయబోయే సినిమా పై అంచనాలు భారీగా పెరిగాయి. అల్లు అర్జున్, త్రివిక్రమ్ శ్రీనివాస్‌ తో తన కొత్త ప్రాజెక్ట్ ను ఇప్పటికే అధికారికంగా ప్రకటించారు.
కాగా సంక్రాంతి పండుగ తర్వాత బన్నీ-త్రివిక్రమ్ సినిమా అనౌన్స్ మెంట్ వీడియో రానుంది. ఆ వీడియో మేకింగ్ పై ప్రస్తుతం త్రివిక్రమ్ ఫుల్‌ కాన్సట్రెషన్‌ పెట్టారు.అయితే 2025 ఏప్రిల్‌లో ఈ సినిమా షూట్ ప్రారంభం కావొచ్చని తెలుస్తుంది. ‘పుష్ప 2’ సాలిడ్ హిట్ తర్వాత కథ విషయంలో త్రివిక్రమ్ చాలా జాగ్రత్తలు తీసుకుంటున్నట్లు తెలుస్తుంది.
అలాగే, నటీనటుల ఎంపికలో కూడా మార్పులు చేయబోతున్నారు. ముఖ్యంగా బాలీవుడ్ నటీనటులతో పాటు తమిళ – కన్నడ నటీనటులు కూడా ఈ సినిమాలో కీలక పాత్రల్లో యాక్ట్‌ చేస్తున్నవిషయం తెలిసిందే.
కాగా జులాయి, సన్ ఆఫ్ సత్యమూర్తి, మరియు అల వైకుంఠపురములో వంటి సూపర్ హిట్‌ల తర్వాత, అల్లు అర్జున్ – త్రివిక్రమ్ మరోసారి కలవబోతున్నారు. హారిక & హాసిని క్రియేషన్స్ మరియు గీతా ఆర్ట్స్ కలిసి ఈ భారీ బడ్జెట్ సినిమాని నిర్మించబోతున్న సంగతి తెలిసిందే. ఈ సినిమాకి సంగీత దర్శకుడు థమన్‌ సంగీతం అదించబోతున్నాడు.