నందమూరి నటసింహం బాలకృష్ణ నటిస్తున్న తాజా సినిమా ‘డాకు మహారాజ్’ గురించి ప్రేక్షకులు ఎంత ఆసక్తిగా ఎదురుచూస్తున్నారో అందరికీ తెలిసిన విషయమే. ఈ సినిమాను డైరెక్టర్‌ బాబీ రూపొందిస్తుండగా పూర్తి యాక్షన్ ఎంటర్‌టైనర్‌గా ఈ సినిమా ప్రేక్షకుల ముందుకు రానుంది. ఇక ఇప్పటికే ఈ సినిమా నుండి విడుదలైన పోస్టర్స్, వీడియో గ్లింప్స్‌లు ఈ సినిమాపై అంచనాలను అమాంతం పెంచాయి.
ఇక ఈ సినిమా నుంచి మరో సాలిడ్ అప్డేట్ ఇచ్చేందుకు మేకర్స్ సిద్దమవతున్నారు. ఈ సినిమాలోని ఫస్ట్ సింగిల్ సాంగ్ లోడ్ అవుతుందని.. త్వరలోనే ఈ సింగిల్ సాంగ్‌ను విడుదల చేయబోతున్నట్లు మేకర్స్ తాజాగా వెల్లడించారు. ఈ చిత్రానికి థమన్ సంగీతం అందిస్తున్న విషయం తెలిసిందే. దీంతో బాలయ్య-థమన్‌ల డెడ్లీ కాంబోలో మరో బ్లాక్‌బస్టర్ సాంగ్ రాబోతుందని చిత్ర యూనిట్ ధీమాగా ఉంది.
ఈ సినిమాలో బాబీ డియోల్ విలన్‌గా యాక్ట్‌ చేస్తున్నాడు. అందాల భామ ప్రగ్యా జైస్వాల్, శ్రద్ధా శ్రీనాథ్, చాందినీ చౌదరి నటిస్తున్నారు. ఈ సినిమాను నాగవంశీ, సాయి సౌజన్య ప్రొడ్యూస్ చేస్తున్నారు. సంక్రాంతి కానుకగా ఈ చిత్రాన్ని జనవరి 12న గ్రాండ్ విడుదలకు రెడీ అవుతుంది.