బాలీవుడ్‌ సీనియర్‌ హీరోయిన్ కరీనా కపూర్ ‘బాక్సాఫీసు వద్ద హిట్ సినిమా గురించి క్రేజీ కామెంట్లు చేసింది. రీసెంట్ గా ‘సింగమ్‌ అగైన్‌’లో సీత తరహా పాత్రలో కనపడనుంది. ఈ నేపథ్యంలో తాజాగా ఇచ్చిన ఓ ఇంటర్వ్యూలో కరీనా కపూర్ మాట్లాడుతూ.. ‘ఒక సినిమా బాక్సాఫీసు దగ్గర హిట్ కొట్టాలంటే.. కథ బాగుండాలి.
హిట్ కి ఏకైక ఫార్ములా కథే. ఆ కథలో హిట్ మాయాజాలాన్ని సృష్టించగల సామర్థ్యం ఉండాలి. అప్పుడే ఆ సినిమా కచ్చితంగాహిట్ అవుతుంది’ అంటూ కరీనా చెప్పుకొచ్చింది. ఇదే విషయం పై కరీనా కపూర్ ఇంకా మాట్లాడుతూ.. ‘అయితే, కథ ఎంపిక అనేది చాలా కష్టమైన పని. కానీ, కథ ఎంచుకునే ముందు.. ఆ కథలో శక్తిమంతమైన భావోద్వేగాలు, సీటు అంచున కూర్చోబెట్టే మలుపులు, మరపురాని సంగీతం ఇలా.. 2.30 గంటల్లో ఏదోక విషయం ప్రేక్షకుడి మనసును తాగే ఎలిమెంట్స్ కథలో ఉండేలా ఎంచుకోవాలి.
ప్రతి సన్నివేశం తెరపై మ్యాజిక్‌ సృష్టించేలా, మళ్లీ మళ్లీ చూడాలనిపించేలా ఉంటేనే ఈ రోజుల్లో సినిమా హిట్ అవుతుంది’ అని కరీనా అంది.