అందాల భామ వేదిక ప్రధాన పాత్రలో నటిస్తున్న సినిమా ‘ఫియర్’ ఇప్పటికే ప్రేక్షకుల్లో మంచి బజ్‌ని క్రియేట్ చేసుకుంది. ఈ సినిమా పోస్టర్స్ మొదలుకొని, వీడియో గ్లింప్స్‌ వరకు ఆడియెన్స్‌ని ఆద్యంతం ఆకట్టుకున్నాయి. అయితే, తాజాగా ఈ సినిమా నుండి ఓ తాజా అప్డేట్‌ని మూవీ మేకర్స్ వదిలారు.
‘ఫియర్’ సినిమా నుండి టైటల్ సాంగ్‌ని మేకర్స్ తాజాగా విడుదల చేశారు. ఈ పాట ఆద్యంతం ఆకట్టుకునే విధంగా ఉండటంతో ప్రేక్షకుల్లో ఈ సినిమాపై అంచనాలు భారీగానే క్రియేట్ అవుతున్నాయి. ఇక ఈ సినిమాతో వేదిక తనదైన మార్క్ వేసుకోవడం ఖాయమని మూవీ యూనిట్‌ ధీమా వ్యక్తం చేస్తోంది.
ఈ సినిమాను డా.హరిత గోగినేని డైరెక్ట్ చేయగా.. డా. వంకి పెంచలయ్య, ఏఆర్ అభి ఈ సినిమాను నిర్మిస్తున్నారు. ఈ చిత్రాన్ని డిసెంబర్ 14 న గ్రాండ్‌గా విడుదల చేసేందుకు మేకర్స్ రెడీ అవుతున్నారు.