టాలీవుడ్ యూత్ స్టార్ నితిన్ హీరోగా నటిస్తున్నతాజా సినిమాల్లో తన హిట్ దర్శకుడు వెంకీ కుడుములతో చేస్తున్న మోస్ట్‌ అవైటెడ్ మూవీ “రాబిన్ హుడ్” సినిమా కూడా ఒకటి. కొద్దిరోజుల క్రితం వచ్చిన గ్లింప్స్ తోనే మంచి ఆసక్తి రేపిన ఈ సినిమాపై మంచి బజ్ అయితే ఆల్రెడీ క్రియేట్‌ అయ్యింది. ఇలా ఇపుడు సినిమా విడుదల తేదీకి దగ్గరకి వస్తున్న సమయంలో మేకర్స్ ఈ సినిమా టీజర్ పై అప్డేట్ ని ప్రేక్షకుల ముందుకు తీసుకువచ్చారు.
ఈ సినిమా అవైటెడ్ టీజర్ ని నేటి సాయంత్రం 4 గంటల 5 నిమిషాలకి విడుదల చేస్తున్నట్టుగా ఇపుడు ఖరారు చేశారు. మరి నితిన్ పై ఇంట్రెస్టింగ్ పోస్టర్ తో మీ సంపాదనని అతనితో పంచుకోడానికి సిద్ధంగా ఉండండి అంటూ టీజర్ పై ఓ క్లారిటీ ఇచ్చేసారు. మరి ఈ రానున్న టీజర్ ఎలా ఉంటుంది అనేది వేచిచూడాలి. ఇక ఈ చిత్రంలో శ్రీలీల హీరోయిన్ గా నటించగా జేవీ ప్రకాష్ సంగీతం అందిస్తున్నాడు అలాగే మైత్రి మూవీ మేకర్స్ నిర్మాణం వహిస్తున్న సంగతి తెలిసిందే.