పాన్ ఇండియా స్టార్ ప్రభాస్ ప్రస్తుతం వరుస సినిమాలను లైన్‌లో పెడుతూ ఫుల్‌ బిజీగా ఉన్న సంగతి తెలిసిందే. ఇప్పటికే ఆయన నటిస్తున్న ‘ది రాజా సాబ్’ చిత్ర షూటింగ్ శరవేగంగా జరుగుతున్న విషయం తెలిసిందే. ఈ సినిమాను దర్శకుడు మారుతి డైరెక్ట్ చేస్తున్నాడు. మరో డైరెక్టర్ హను రాఘవపూడితో కూడా ప్రభాస్ ఓ సినిమా చేయనున్న సంగతి తెలిసిందే.
ఈ చిత్ర రెగ్యులర్ షూటింగ్ ఇటీవల మొదలైంది. అయితే ప్రభాస్ రీసెంట్‌గా ఓ భారీ మల్టీస్టారర్ చిత్రానికి నో చెప్పినట్లుగా సినీ సర్కిల్స్‌లో వార్తలు వినపడుతున్నాయి. బాలీవుడ్ డైరెక్టర్ సిద్ధార్థ్ ఆనంద్‌తో ప్రభాస్ ఓ సినిమా చేయాలనుకున్నాడు. ఈ సినిమాను మైత్రీ మూవీ మేకర్స్ వారు ప్రొడ్యూస్ చేయడానికి ముందుకు వచ్చారు. అయితే, ఈ సినిమాలో బాలీవుడ్ కింగ్ ఖాన్ షారుఖ్ ఖాన్ మెయిన్ హీరోగా, సెకండ్ లీడ్ హీరోగా ప్రభాస్ నటిస్తాడని దర్శకుడు చెప్పడంతో.. ప్రభాస్ ఈ సినిమాకు నో చెప్పాడట.
తాను ఇప్పట్లో మరో మల్టీస్టారర్ చిత్రానికి రెడీగా లేనని ప్రభాస్ తేల్చి చెప్పడంతో ఈ ప్రాజెక్ట్ తప్పినట్లు బీ-టౌన్ వర్గాల్లో వార్తలు చక్కర్లు కొడుతున్నాయి. మరి నిజంగానే ప్రభాస్ మల్టీస్టారర్ మూవీకి నో చెప్పాడా.. అనేది తెలియాలి..