భారత్‌ లో అది కూడా తెలుగులో మోస్ట్‌ క్రేజీయస్ట్‌ టాక్‌ షో గా బాలయ్య బాబు అన్‌స్టాపబుల్‌ షో గుర్తింపు తెచ్చుకుంది. ఇప్పటికే రెండు సీజన్లను సక్సెస్‌ ఫుల్‌ గా పూర్తి చేసుకున్న ఈ షో…మూడో సీజన్ మొదలు అయ్యింది. మొదటి రెండు సీజన్లు సూపర్ హిట్ అయిన సంగతి తెలిసిందే. యంగ్ హీరోలతో బాలయ్య చేసిన హంగామా మామూలుగా లేదు. మరి ముఖ్యంగా ప్రభాస్ ఎపిసోడ్ లో బాలయ్య, ప్రభాస్ ల అల్లరి అయితే మరి రచ్చ అసలు.
కాగా ముచ్చటగా మూడో సీజన్ UnstoppableWithNBK ఇటీవల మొదలు పెట్టారు. సీజన్ – 3 ఫస్ట్ గెస్ట్ గా మలయాళ నటుడు దుల్కర్ సల్మాన్ తో పాటు అయన నటిస్తున్న లక్కీ భాస్కర్ టీమ్ హాజరయ్యింది.ఈ నేపథ్యంలో సీజన్ -3 ఇంతకు ముందు వాటి కంటే భిన్నంగా, రెండు సీజన్స్ ను మించి ప్లాన్ చేస్తున్నట్లు సమాచారం.
కాగా ఇప్పుడు సెకండ్ ఎపిసోడ్ షూట్ చేసేందుకు ఏర్పాట్లు చేస్తున్నారు షో మేకర్స్. అయితే ఈ సెకండ్ ఎపిసోడ్ లో బ్లాస్టింగ్ గెస్ట్ ఉండబోతున్నారని సమాచారం. విశ్వసనీయ సమాచారం ప్రకారం ఈ ఎపిసోడ్ లో ఐకానిక్ స్టార్ అల్లు అర్జున్ గెస్ట్ గా రానున్నాడని ఓ టాక్‌ వినిపిస్తుంది. బన్నీతో పాటుగా పుష్ప 2 టీమ్ రష్మీక, సుక్కు,మైత్రి నిర్మాతలు అటెండ్ అవుతారని తెలుస్తుంది.
అలాగే రానున్న ఎపిసోడ్ లో చిరంజీవి, నాగార్జున, జూనియర్ ఎన్టీఆర్‌, నాగ చైతన్య వంటి స్టార్ హీరోలు పాల్గొనబోతున్నట్టు సమాచారం. గతంలో వీరి ఎపిసోడ్ లో చేసిన హంగామా కంటే ఈ సారి ఆ హంగామా మరింత ఎక్కువ ఉంటుందని, అన్ స్టాపబుల్ స్టేజ్‌ పై బాలయ్య బన్నీ రచ్చ రచ్చ చేయనున్నారని సమాచారం.