కోలీవుడ్ స్టార్ హీరో సూర్య నటించిన భారీ పాన్ ఇండియా సినిమా “కంగువా” గురించి అందరికీ తెలిసిందే. దర్శకుడు శివ తెరకెక్కించిన ఈ చిత్రాన్ని మేకర్స్ ముందుగా దసరా కానుకగా ఫిక్స్ చేసిన సంగతి తెలిసిందే. కానీ అక్కడ తలైవర్ రజినీకాంత్ నటించిన “వేట్టైయన్” ని కూడా విడుదలకి తీసుకొస్తుండగా సూర్య రజినీకి గౌరవం ఇచ్చి తన సినిమాని వాయిదా వేస్తున్నట్టుగా తెలిపారు.
అయితే ఈ సినిమాని అక్టోబర్ ఎండింగ్ కి తీసుకొస్తారు అన్నట్టు అప్పుడే రూమర్స్ వచ్చాయి. కానీ ఇప్పుడు మరో కొత్త రూమర్స్ ఇప్పుడు వినిపిస్తున్నాయి. దీంతో ఈ చిత్రం నవంబర్ కి మారినట్లు తెలుస్తుంది. దీంతో కొత్త డేట్ గా నవంబర్ 15న తీసుకొస్తున్నట్టుగా ఇప్పుడు తెలుస్తుంది. ఇక దీనిపై అధికారిక క్లారిటీ ఇంకా రావాల్సి ఉంది.