పాన్ ఇండియా యంగ్‌ రెబల్ స్టార్ ప్రభాస్ హీరోగా దీపికా పడుకొణ్‌ తో పాటు దిశా పటాని ఫీమేల్ లీడ్ లో నాగ్ అశ్విన్ తెరకెక్కించిన భారీ పాన్ ఇండియా సినిమా “కల్కి 2898 ఎడి” గురించి అందరికీ తెలిసిందే. ఈ సినిమా ఎన్నో అంచనాలు మధ్య విడుదలై ప్రభాస్ కెరీర్ లోనే కాకుండా ఇండియన్ సినిమా దగ్గర కూడా బిగ్గెస్ట్ హిట్స్ లో ఒకటిగా రికార్డులు సృష్టించింది. అయితే ఈ సినిమా స్వాతంత్య్ర దినోత్సవం రోజుకి 50రోజులని కంప్లీట్ చేసుకుంది.
అయితే ఈ 50 రోజులు తర్వాత అంతా ఆసక్తిగా ఎదురు చూస్తున్న అప్డేట్ ఓటీటీ కి సంబంధించి రానున్నట్టుగా ఇపుడు టాక్ వినిపిస్తుంది. కల్కి థియేటర్స్ లో ఎంత పెద్ద హిట్ అయ్యిందో తెలిసిన విషయమే. దాదాపు 5 వారాలకి పైగానే థియేటర్స్ లో భారీ రన్ తో ముందుకు దూసుకెళ్లింది. ఇక ఫైనల్ గా 50 రోజులు పూర్తి చేసుకున్న ఈ సినిమా రానున్న మరో వారం లోనే సాలిడ్ అప్డేట్ తో ఓ క్లారిటీ ఇవ్వనున్నట్టుగా సమాచారం. ఆల్రెడీ ప్రైమ్ వీడియోలో ఈ సినిమా ఈ ఆగస్ట్ 23 నుంచి అందుబాటులోకి వస్తుంది అని టాక్ వినిపిస్తుంది.