అల్లు వారి చిన్న వారసుడు శిరీష్..ఆయన నటిస్తున్న సినిమా బడ్డీ…ఈ సినిమా వచ్చే నెల 26 న ప్రేక్షకుల ముందుకు రాబోతుంది. ఈ సిఇనమాకి సంబంధించిన టరైలర్ లాంచ్ ఈవెంట్ తాజాగా హైదరాబాద్ లో చాలా గ్రాండ్ గా జరిగింది. అయితే ఈ సినిమా ఇంతకుముందు వచ్చిన తమిళ హీరో ఆర్య నటించిన సినిమా టెడ్డీకి రీమేక్ అంటూ చాలా మంది అనుకుంటున్నారు.
అయితే ఆ విషయాల్ని అల్లు శిరీష్ తాజాగా ఖండించాడు. ఈ సినిమాకి సంబంధించిన మొదటి పోస్టర్ విడుదలైన రోజు నుంచి చాలా మంది మమ్మల్ని రీమేక్ కు ఎందుకు మొగ్గు చూపారని అడిగినట్లు తెలిపారు. ఈ సినిమా రీమేక్ కాదని తాజాగా విడుదలైన ట్రైలర్ ని చూస్తే అది మీకే అర్థమవుతుందని అనుకుంటున్నాను అంటూ మాట్లాడాడు.
సినిమా ఓ వినూత్న ప్రయత్నం అని ముందు తాను కూడా భయపడ్డానని…ప్రజలు ఈ సినిమాని ప్రేక్షకులు అంగీకరిస్తారా లేదా అన్న విషయం గురించి కూడా తాను భయపడ్డానని చెప్పుకొచ్చాడు. పెద్ద పెద్ద స్టార్స్ లేకపోయినా…కంటెంట్ ఉన్న సినిమా అయితే ప్రేక్షకులు తప్పకుండా ఆదరిస్తారని శిరీష్ చెప్పుకొచ్చాడు.