దర్శక ధీరుడు ఎస్ఎస్ రాజమౌళి తెరకెక్కించిన బాహుబలి రెండు పార్ట్ లు కూడా కేవలం తెలుగు ప్రేక్షకులను మాత్రమే కాకుండా పాన్ ఇండియా లెవల్లో భారీ విజయాలను సాధించి గొప్ప సినిమాలుగా నిలిచాయి. బాహుబలి 2 సినిమా మరో అడుగు ముందుకేసి ఎన్నో రికార్డులను బద్దలుకొట్టింది. అయితే, అంతటి ఘన విజయం సాధించిన బాహుబలి ది క్రౌన్ ఆఫ్ బ్లడ్ పేరుతో రాజమౌళి ఓ యానిమేటెడ్ సిరీస్ తీసుకొస్తున్నారన్న విషయం తెలిసిందే.
బాహుబలి: ది క్రౌన్ ఆఫ్ బ్లడ్ పేరుతో ఈ సిరీస్ డిస్నీ ప్లస్ హాట్ స్టార్ లో ప్రసారం కానుందని మూవీ మేకర్స్ ప్రకటించిన విషయం తెలిసిందే. ఇక ఈ యానిమేటెడ్ సిరీస్ కోసం రాజమౌళి మీడియా ముందుకు వచ్చారు . ఈ సిరీస్ లోని మొదటి రెండు ఎపిసోడ్స్ ను ప్రీమియర్ గా మీడియా కోసం ఏఎంబీలో ప్రదర్శించారు. ఈ ప్రీమియర్ తో పాటు మీడియా సమావేశం కోసం ఢిల్లీ, ముంబై నుంచి ప్రత్యేక మీడియా ప్రతినిధులు నగరానికి విచ్చేశారు. ఇక ఈ క్రమంలో మీడియా ప్రతినిధి ఒకరు రాజమౌళిని మెచ్చుకుంటూనే ఇన్నేళ్లల్లో ఎప్పుడూ లేని విధంగా మీడియా మీటింగ్ కు ఎందుకు లేట్ గా వచ్చారు అంటూ ప్రశ్నించారు. ఈ విషయం మీకు తెలిసి జరిగిందా? లేదా మీకు ఇచ్చిన సమాయనికే వచ్చారా? అని ప్రశ్నించారు.
దానికి రాజమౌళి మాట్లాడుతూ… తనకు చెప్పిన సమయానికి తాను వచ్చానని, ఐదున్నరకు రమ్మన్నారు ఐదున్నరకు వచ్చినట్లు వివరించారు. నా వల్ల జరిగిన ఈ ఆలస్యం వలన ఇబ్బంది పడితే సారీ అంటూ పేర్కొన్నారు. ఇక బాహుబలి: ది క్రౌన్ ఆఫ్ బ్లడ్ యానిమేటెడ్ సిరీస్ మే 17వ తేదీన డిస్నీ+ హాట్స్టార్ ఓటీటీ ప్లాట్ఫామ్లో స్ట్రీమింగ్ కానుంది.