పుష్ప సినిమా గురించి ఎవరికీ ప్రత్యేకంగా చెప్పనవసరం లేదు. ఈ సినిమా ఎంతటి విజయాన్ని సాధించిందో.. ఎన్ని అవార్డులను గెలుచుకుందో తెలిసిన విషయమే. అల్లు అర్జున్‌ ని జాతీయ నటుడిగా ప్రపంచం ముందు నిలబెట్టిన సినిమా పుష్ప . ఆ సినిమాలో ఊ అంటావా మావా..ఊఊ అంటావా మావా సాంగ్ గురించి ప్రత్యేకంగా చెప్పాల్సిన అవసరం లేదు.
యావత్‌ భారత్‌ ని ఓ ఊపు ఊపిని పాట. అందులో సమంత చేసిన స్టెప్పులు ఇప్పటికీ కళ్ల ముందు కదులుతాయి. సుకుమార్‌- అల్లు అర్జున్‌ మాస్‌ ఎంటర్‌ టైన్‌ మెంట్‌ గా వచ్చిన పుష్ప సినిమా కి పొడిగింపు పుష్ప 2 సినిమా కోసం ప్రేక్షకులంతా ఎంతగానో ఎదురుచూస్తున్నారు. ఎప్పుడెప్పుడు ఈ సినిమా విడుదల అవుతుందా అని అటు బన్నీ ఫ్యాన్స్‌ పిచ్చగా వెయిట్‌ చేస్తున్నారు.
ఇప్పుడు తాజాగా పుష్ప 2 సినిమా లో కూడా ఓస్పెషల్‌ సాంగ్ ని పెట్టేందుకు చిత్ర బృందం రంగం సిద్దం చేసింది. అయితే ముందుగా ఈ సాంగ్ లో మళ్లీ సమంతనే తీసుకుందాం అనుకున్నారు. కానీ చిత్ర బృందం తమ నిర్ణయం మార్చుకుని ఎంతో మంది నటీమణులను పరిశీలించిన తరువాత ఆ పాటకు అతిలోక సుందరి శ్రీదేవి కూతురు జాన్వీ కపూర్‌ గా డిసైడయ్యింది. ఇప్పటికే ఈ సాంగ్ విషయం గురించి చిత్రం బృందం, సుకుమార్‌ జాన్వీతో మాట్లాడినట్లు సమాచారం.
ఇందులో ఆడిపాడేందుకు ఆమె కూడా గ్రీన్‌ సిగ్నల్‌ ఇచ్చిందని సమాచారం. పుష్ప లో ఐటమ్‌ సాంగ్ ఎంత హిట్టో తెలిసిందే. ఇప్పుడు పుష్ప 2 లో జాన్వీ ఆడిపాడితే ఆ సాంగ్ కూడా రికార్డులు తిరగరాయడం ఖాయమనిపిస్తోంది.
ప్రస్తుతం జాన్వీ తారక్‌ , కొరటాల శివ కాంబినేషన్‌ లో వస్తున్న దేవర సినిమాలో నటిస్తుంది. ఇప్పటికే ఆ సినిమా నుంచి జాన్వీకి సంబంధించిన కొన్ని లుక్స్‌ ని చిత్ర బృందం విడుదల చేసింది. ఈ సినిమా ఇంకా విడుదల కాకముందే జాన్వీ రామ్‌ చరణ్‌ – సాన బుచ్చిబాబు కాంబోలో వస్తున్న ఆర్‌సీ 16 సినిమాలో కూడా నటిస్తుందని ఆమె తండ్రి బోనీ కపూర్‌ తెలిపారు. ఇప్పటి వరకు జాన్వీ నటించిన ఒక్క తెలుగు సినిమా కూడా విడుదల కాకపోయినప్పటికీ ఆమె కోసం మాత్రం అవకాశాలు వరుస కడుతున్నాయి.
 |
ReplyForward
|