ఆమె స్వయంగా వైఎస్సార్ కాంగ్రెస్ పార్టీ మహిళా విభాగం నాయకురాలు! పైకి బట్టల దుకాణం అయినా.. లోలోన నడిపించేది సెక్స్ రాకెట్! అసలే నాయకురాలు, ఆపైన అధికార పార్టీ అండదండలు కూడా ఉన్నాయి. అడిగే దిక్కు లేదు. ఫిర్యాదులు అందినా పట్టించుకునే పోలీసులూ గతంలో లేకపోయారు. ఇలా అమ్మాయిలను బెదిరించి వ్యభిచారం చేయించే కింగ్ పిన్ గా ముద్రపడిన వైసీపీ మహిళానేత గురునాగసాయి.. ఇప్పుడు అరెస్టు అయి జైల్లో ఉన్నారు. అయితే తాజాగా గుప్పుమంటున్న గుసగుస ఏంటంటే.. గురునాగసాయి ఫోన్లో.. అనేకమంది వైసీపీ నాయకుల సెక్స్ బాగోతాల వివరాలన్నీ ఉన్నాయని. విజయవాడకు చెందిన వారు ఎక్కువ కాగా , ఇతర ప్రాంతాలకు కూడా చెందిన కొందరు కీలకనేతల రాసలీలల భోగట్టా కూడా ఉన్నదని పుకార్లు వినిపిస్తున్నాయి.
విచారణలో భాగంగా ఆమె మొబైల్ ను శోధిస్తున్న పోలీసులే అనేక రకాలుగా నిర్ఘాంత పోతున్నారని వార్తలు వస్తున్నాయి. తన బట్టల దుకాణానికి వచ్చే అమ్మాయిలకు మాయమాటలు చెప్పి స్నేహం పెంచుకోవడం, పార్టీలకు ఆహ్వానించి మద్యం తాగించడం, వారు బట్టలు మార్చుకునే సమయంలో నగ్న వీడియోలు, ఫోటోలు తీసి.. అవి చూపించి బెదిరించడం.. నెమ్మదిగా వ్యభిచారంలోకి దించడం.. ఆ ఫోటోలతో పెద్దబేరాలు మాట్లాడుకుని అమ్మాయిలను ఒత్తిడి చేయడం ఆమె వ్యాపారంగా ఇప్పటిదాకా వార్తలు వచ్చాయి. ఆమె అమ్మాయిలతో సన్నిహితంగా మెలగుతున్న వీడియోలు కూడా ఆమె ఫోనల్లో దొరికాయని మీడియాలో కథనాలు వచ్చాయి. ఇదంతా ఒక ఎత్తు అయితే.. వైసీపీ నేతల సెక్స్ బాగోతాలు కూడా గురు నాగసాయి మొబైల్ ఫోను ద్వారా తెలుస్తున్నాయని సమాచారం.
అసలే అధికార పార్టీ నాయకురాలు. తన మీద ఎన్ని వివాదాలు ఉన్నా, గతంలో పోలీసు కేసు నమోదు అయినా, ఫిర్యాదులు అనేకం వచ్చినా.. వైసీపీ వారి అండదండలతోనే ఆమె బయటపడుతూ వస్తోంది. శరీరాన్ని సమర్పించుకోవడం లోని లాభం విలువ తెలిసిన మహిళ కావడంతో.. తనకు అండగా నిలుస్తున్న వారికి అమ్మాయిలను ఆఫర్ చేయడం జరిగేదని పోలీసులు గుర్తించినట్లు సమాచారం. అలా అలా వైసీపీ లోని పలువురు రాసలీలల నాయకులకు గురునాగసాయి అమ్మాయిలను పరిచయం చేసేదని అంటున్నారు. ఆమె ఫోన్ కాంటాక్ట్స్ లిస్ట్ ను పద్ధతిగా విశ్లేషిస్తే.. వైసీపీలో అనేకమంది నాయకుల రాసలీలలన్నీ వెలుగులోకి వస్తాయని అంటున్నారు.
అయితే.. ఈకేసులో పురోగతి వాస్తవ విషయాలు బయటకు రావడం లేదని ప్రజలు అనుకుంటున్నారు. అనేక మంది వైసీపీ నాయకుల పేర్లుండడంతో ఆచితూచి వ్యవహరిస్తున్నారని.. కీలకమైన వారి పేర్లు బయటకు రాకుండా కేసును ముగించవచ్చునని ప్రజలు అనుమానిస్తున్నారు.