టాలీవుడ్ ప్రేక్షకులు ఎంతో ఆసక్తిగా ఎదురుచూస్తున్న సినిమాల్లో ‘కుబేర’ కూడా ఒకటి. ఈ సినిమాకు దర్శకుడు శేఖర్ కమ్ముల ఉంటుండటంతోనే మొదటి నుండి ఈ ప్రాజెక్టుపై మంచి బజ్ నెలకొంది. ఇక కథలోనూ, నటీనటుల ఎంపికలోనూ ప్రత్యేకత కనిపించడంతో అంచనాలు పెరిగిపోయాయి.
ఈ చిత్రంలో అక్కినేని నాగార్జున, ధనుష్, రష్మిక మందన్న లాంటి పాపులర్ స్టార్లు కలిసి నటిస్తున్నారని తెలిసినప్పటి నుండి సినిమాపై క్రేజ్ మరింతగా పెరిగింది. వరుస విజయాలతో దూసుకుపోతున్న వీరి కాంబినేషన్ స్క్రీన్పై ఎలా వర్కౌట్ అవుతుందోనని సినీ ప్రేమికులంతా ఎదురుచూస్తున్నారు.
ఇప్పుడు ఈ సినిమాకు సంబంధించిన మరో ఇంట్రెస్టింగ్ అప్డేట్ బయటకు వచ్చింది. సినిమా రిలీజ్ డేట్ దగ్గర పడుతుండటంతో మేకర్స్ థియేట్రికల్ ట్రైలర్ విషయంలో స్పష్టత ఇచ్చారు. జూన్ 13న ప్రీ-రిలీజ్ ఈవెంట్ ఏర్పాటు చేస్తూ, అదే రోజున ట్రైలర్ను రిలీజ్ చేయనున్నట్టు ప్రకటించారు. ఈ ప్రకటనతో పాటు విడుదల చేసిన పోస్టర్ కూడా మంచి హైప్ను తీసుకొచ్చింది. ఫ్యాన్స్కి ఇప్పుడు ట్రైలర్ కోసం ఉత్సాహంగా ఎదురుచూడటానికి మరో కారణం దొరికినట్టే అయ్యింది.
దేవిశ్రీ ప్రసాద్ సంగీతం అందిస్తున్న ఈ సినిమాను సునీల్ నారంగ్, పుస్కూర్ రామ్ మోహన్ లు కలిసి నిర్మిస్తున్నారు. అన్ని కార్యక్రమాలు పూర్తిచేసిన చిత్ర యూనిట్, జూన్ 20న ఈ సినిమాను థియేటర్లలో గ్రాండ్గా విడుదల చేసేందుకు సిద్ధమవుతోంది.
ప్రస్తుతం సినిమా దగ్గర ఉన్న హైప్, కాస్టింగ్, డైరెక్షన్ అన్నింటి దృష్ట్యా ‘కుబేర’ ఒక ఆసక్తికరమైన ప్రాజెక్ట్గా నిలుస్తుందని టాలీవుడ్ వర్గాలు భావిస్తున్నాయి.