పవన్ కళ్యాణ్ నటిస్తున్న తాజా చిత్రం హరిహర వీరమల్లు గురించి అభిమానుల్లో ఉన్న ఉత్సాహం మాటల్లో చెప్పలేం. ఈ సినిమాను జ్యోతి కృష్ణ డైరెక్షన్లో రూపొందిస్తున్నారు. హిస్టారికల్ నేపథ్యంలో తెరకెక్కుతున్న ఈ చిత్రంపై మొదటినుంచే భారీ అంచనాలున్నాయి.
తాజాగా ఈ సినిమాకు సంబంధించి రిలీజ్ డేట్ను చిత్రబృందం అధికారికంగా ప్రకటించింది. జూన్ 12న హరిహర వీరమల్లు సినిమాను థియేటర్లలోకి తీసుకువచ్చేందుకు ప్లాన్ చేస్తున్నారు. ఈ తేదీ పవన్ అభిమానులకు ఓ ప్రత్యేక గుర్తుగా నిలిచింది. ఎందుకంటే గత ఏడాది ఇదే రోజున పవన్ కళ్యాణ్ ఆంధ్రప్రదేశ్ డిప్యూటీ సీఎం హోదాలో బాధ్యతలు చేపట్టాడు. ఇప్పుడు అదే రోజున ఆయన సినిమా విడుదల అవ్వడం విశేషం.
ఓ వైపు రాజకీయంగా పవన్కు స్పెషల్ డే, మరోవైపు ఆయన నటించిన సినిమానే విడుదల కావడం అభిమానుల్లో ఆనందాన్ని రెట్టింపు చేస్తోంది. ఈ నేపథ్యంతో సినిమాపై హైప్ మరింత పెరిగింది. ప్రేక్షకుల్లోనూ భారీ స్థాయిలో ఆసక్తి కనిపిస్తోంది.
ఈ సినిమాలో నిధి అగర్వాల్ కథానాయికగా నటిస్తుండగా, బాలీవుడ్ నటుడు బాబీ డియోల్ ప్రతినాయక పాత్రలో కనిపించనున్నాడు. సంగీతం ఎం.ఎం.కీరవాణి సమకూర్చిన మ్యూజిక్ ఈ సినిమాకు ప్రత్యేక ఆకర్షణగా నిలవనుంది.
సినిమా విడుదల రోజుతో పవన్ రాజకీయ ప్రయాణానికి ఉన్న సంబంధం, సినిమా కంటెంట్పై ఉన్న ఆసక్తి కలసి హరిహర వీరమల్లు చిత్రాన్ని ఒక పెద్ద సెన్సేషన్గా నిలపవచ్చని అభిమానులు నమ్మకంగా చెబుతున్నారు.