అందాల భామ సాయి పల్లవి నటించిన తాజా సినిమా ‘అమరన్’ ప్రస్తుతం థియేటర్లలో ఉంది. ఈ సినిమాలో హీరోగా శివకార్తికేయన్ నటించాడు. ఇక ఈ సినిమా తరువాత సాయి పల్లవి ఏ సినిమా చేస్తుందా అని అభిమానులు ఆసక్తిగా చూస్తున్నారు. ఈ క్రమంలోనే సాయి పల్లవి తన నెక్స్ట్ సినిమాగా ఓ తెలుగు మూవీని ఓకే చేసినట్లు సమాచారం.
టాలీవుడ్‌లో తెరకెక్కుతోన్న తాజా చిత్రం ‘ఆకాశంలో ఒక తార’లో హీరోయిన్‌గా నటించేందుకు సాయి పల్లవి గ్రీన్ సిగ్నల్ ఇచ్చినట్లు తెలుస్తోంది. దర్శకుడు పవన్ సాదినేని దర్శకత్వం వహిస్తున్న ఈ సినిమాలో దుల్కర్ సల్మాన్ హీరోగా నటిస్తున్నాడు
తాజాగా ‘లక్కీ భాస్కర్’తో ప్రేక్షకుల ముందుకు వచ్చిన దుల్కర్, ఇప్పుడు మరో సినిమాను కూడా చిత్రీకరించేందుకు రెడీగా ఉన్నాడు. ఈ సినిమా షూటింగ్ ఇప్పటికే మొదలయ్యింది.
త్వరలోనే సాయి పల్లవి ఈ చిత్ర షూటింగ్‌లో జాయిన్ అవ్వనుందని సమాచారం. ఇలా తన నెక్స్ట్ సినిమాని కూడా సాయి పల్లవి ఓకే చేయడంతో ఆమె స్పీడు చూసి అభిమానులు ఆనందపడుతున్నారు.