గ్లోబల్ స్టార్ రామ్ చరణ్ హీరోగా కియారా అద్వానీ, అందాల ముద్దుగుమ్మ అంజలి ఫీమేల్ లీడ్ లో మావెరిక్ డైరెక్టర్ శంకర్ తెరకెక్కించి మోస్ట్ అవైటెడ్ సినిమా “గేమ్ ఛేంజర్”. ఎన్నో అంచనాలు సెట్ చేసుకున్న ఈ సినిమా కోసం అభిమానులు ఎంతో ఆసక్తిగా ఎదురు చూస్తుండగా ఈ సినిమా నుంచి వచ్చిన ఒక్కో పాట మంచి రెస్పాన్స్ ని దక్కించుకుంది.
అయితే ఈ సినిమా విషయంలో తాజాగా పలు రూమర్స్ పై ఓ క్లారిటీ వినిపిస్తుంది. నిజానికి గేమ్ ఛేంజర్ అనుకున్న దానికంటే చాలా ఆలస్యంగా వస్తుంది. ఈ సినిమా షూటింగ్ ఎంతకీ పూర్తి కాకుండా అలా జరుగుతూనే ఉన్న నేపథ్యంలో రెండు భాగాలుగా ఏమన్నా తీస్తున్నారా అంటూ ఆ మధ్య ఓ క్రేజీ టాక్ కూడా వినిపించింది.
ఇపుడు మళ్ళీ ఇవే ఊహాగానాలు వినిపిస్తుండగా ఇపుడు ఫైనల్ గా దీనిపై అయితే తాజాగా మరో క్లారిటీ వినపడుతుంది. ఈ సినిమాకి పార్ట్ 2 ఉండడమో లేదా శంకర్ గతంలో తెరకెక్కించిన సినిమాకి సీక్వెల్ కాన్సెప్ట్ లానో రావడం లేదని తెలుస్తుంది. ఇది పూర్తిగా సోలో సినిమా దీనికి ఎలాంటి సీక్వెల్ ఉండదని వివరించారు. దీంతో సీక్వెల్ వార్తల్లో ఎలాంటి నిజం లేదని తెలిసిపోయింది.