నాని సినిమాల్లో బాగా గుర్తింపు తెచ్చుకున్న చిత్రం ‘దసరా’. ఆ సినిమా తర్వాత దర్శకుడు శ్రీకాంత్ ఓదెల ఒక్కసారిగా అందరి దృష్టిలో పడిపోయాడు. ఇప్పుడు ఆయన నానితో మరోసారి కలిసి చేస్తున్న ప్రాజెక్ట్ ‘ది ప్యారడైజ్’. ఈ సినిమా నుంచి విడుదలైన గ్లింప్స్ అభిమానుల్లో మంచి ఉత్సాహం తెప్పించాయి.
కథలో నాని పాత్రకు మూడు వేరువేరు కోణాలు ఉండబోతున్నాయని సినీ వర్గాల్లో వినిపిస్తోంది. అంతేకాకుండా ఆయనను నెగిటివ్ షేడ్స్లో కూడా చూడబోతున్నామని సమాచారం. ఈ షెడ్యూల్లో నానితో పాటు ఇతర నటీనటులు కూడా షూట్లో పాల్గొంటారని చెబుతున్నారు. పక్కా యాక్షన్ ప్యాకేజీతో తెరకెక్కుతున్న ఈ చిత్రం మాస్ ఆడియన్స్కు పండగలా ఉంటుందనే అంచనాలు ఉన్నాయి.
సుధాకర్ చెరుకూరి నిర్మిస్తున్న ఈ సినిమాలో హీరోయిన్ పేరును మాత్రం ఇంకా బయటపెట్టలేదు. అనిరుధ్ సంగీతం అందిస్తున్న ఈ ప్రాజెక్ట్పై ఇప్పటికే మంచి బజ్ క్రియేట్ అయింది. మరోవైపు ప్రముఖ ఓవర్సీస్ డిస్ట్రిబ్యూషన్ సంస్థ ప్రత్యంగిర సినిమాస్ ఈ సినిమా రైట్స్ను పెద్ద మొత్తంలో సొంతం చేసుకున్నట్లు సమాచారం.