ప్రస్తుతం టాలీవుడ్ సూపర్ స్టార్ మహేష్ బాబు తన కెరీర్‌లోని 29వ చిత్రాన్ని తెరకెక్కించేందుకు సిద్దమవుతున్నాడు. ఈ సినిమాను దర్శకధీరుడు ఎస్.ఎస్.రాజమౌళి డైరెక్ట్ చేస్తుండటంతో ఈ సినిమాపై అంచనాలు వేరే లెవెల్‌లో ఉన్నాయి. ఇక ఈ సినిమా ప్రస్తుతం ప్రీ-ప్రొడక్షన్ పనుల్లో ఉన్న సంగతి తెలిసిందే.
అయితే, ఈ సినిమాకు సంబంధించి తాజాగా ఓ వార్త సోషల్ మీడియాలో షికారు చేస్తుంది. ఈ సినిమా కోసం నేషనల్ అవార్డ్ విన్నింగ్ హీరోయిన్, బాలీవుడ్ భామ ప్రియాంక చోప్రాను చిత్ర యూనిట్ ఎంచుకున్నట్లు తెలుస్తుంది. ఆఫ్రికా అడవులు నేపథ్యంలో సాగే ఈ సినిమాను గ్లోబల్ స్థాయిలో తెరకెక్కించనుండటంతో గ్లోబల్ ప్రెజెన్స్ ఉన్న హీరోయిన్ అయితే బాగుంటుందని రాజమౌళి అనుకుంటున్నాడంట.
దీంతో ఈ సినిమాకు ప్రియాంక చోప్రా అయితే పర్ఫెక్ట్‌గా సరిపోతుందని మేకర్స్ ఆమెను ఫైనల్‌ చేసినట్లు తెలుస్తుంది. మరి ఈ వార్తల్లో ఎంతవరకు నిజం ఉందో తెలియాలంటే మేకర్స్ క్లారిటీ ఇచ్చే వరకు ఆగాల్సిందే.