నందమూరి నటసింహం బాలకృష్ణ తనయుడు మోక్షజ్ఙ సినీ పరిశ్రమలోకి ఎంట్రీ ఇస్తున్న విషయం తెలిసిందే. యంగ్‌ అండ్‌ టాలెంటెడ్ డైరెక్టర్‌ ప్రశాంత్‌ వర్మ డైరెక్షన్‌ లో సినిమా చేస్తున్నారు. ఇప్పటికే ఈ సినిమాకు సంబంధించిన ఫస్ట్‌ లుక్‌ పోస్టర్‌ విడుదలైంది. తాజాగా ప్రశాంత్‌ వర్మ మోక్షజ్ఙ న్యూలుక్‌ కు సంబంధించిన ఓ ఫొటో షేర్‌ చేశారు.
యాక్షన్‌ కోసం సిద్ధమా? అని పేర్కొన్నారు. సింబా ఈజ్‌ కమింగ్‌ అని హ్యాష్‌ ట్యాగ్‌ జత చేశారు. ప్రస్తుతం ఈ ఫొటో నెట్టింట వైరల్‌ గా మారింది. మోక్షజ్ఙ కొత్త లుక్‌ పై సినీ ప్రియులు ఫిదా అవుతున్నారు. ప్రశాంత్‌ వర్మ సినిమాటిక్‌ యూనివర్స్‌ లో భాగంగా దర్శకుడు ప్రశాంత్‌ వర్మ ఈ సినిమాను తెరకెక్కిస్తున్నారు.
లెజెండ్‌ ప్రొడక్షన్స్‌ తో కలిసి ఎస్‌ఎల్‌వీ సినిమాస్‌ పతాకం పై సుధాకర్‌ చెరుకూరి నిర్మిస్తున్నారు. బాలకృష్ణ చిన్న కుమార్తె తేజస్విని సమర్పిస్తున్నారు.ఇతిహాసాల స్ఫూర్తితో రూపొందుతున్న సోషియో ఫాంటసీ సినిమా ఇది. బాలకృష్ణ విజన్‌ కి అనుగుణంగా , చిరస్మరణీయంగా నిలిచిపోయేలా ఈ సినిమా ఉంటుందని టాక్‌.
మోక్షజ్ఙ పుట్టినరోజును పురస్కరించుకొని సెప్టెంబర్‌ 6న ఫస్ట్‌ లుక్‌ పోస్టర్‌ విడుదల చేశారు. ఎన్నో అద్భుతమైన కథలు, బంగారు గని లాంటి మన ఇతిహాసాల స్ఫూర్తితో రూపొందిస్తున్న చిత్రమిది.నేను ప్రారంభించిన సినిమాటిక్‌ యూనివర్స్‌ లో భాగంగానే తెరకెక్కుతుంది.