గ్లోబల్ స్టార్ రామ్ చరణ్ సినిమాల గురించి ప్రత్యేకంగా చెప్పాల్సిన అవసరం లేదు. ప్రస్తుతం చేతినిండా సినిమాలు ఉండగానే..మరో రెండు కొత్త సినిమాలను లైన్లో పెట్టేశాడు. చరణ్ పుట్టినరోజు సందర్భంగా ఆ సినిమాల గురించి అధికారికంగా ప్రకటించారు. ఆ సినిమాల నుంచి అప్డేట్స్ కోసం ఫ్యాన్స్ ఎంతో ఆసక్తిగా ఎదురు చూస్తున్నారు.
అయితే గేమ్ చేంజర్ సినిమా త్వరలోనే ప్రేక్షకుల ముందుకు రాబోతుంది. దీంతో తదుపరి సినిమాల పై చరణ్ ఫోకస్ పెట్టినట్లు సమాచారం. ముందుగా చరణ్ 16 వ సినిమాగా రాబోతున్న బుచ్చి బాబు సినిమాను పూర్తి చేసే పనిలో పడ్డారు. ఈ సినిమాను ఇటీవల పూజా కార్యక్రమాలతో ప్రారంభించారు. జూన్ నుంచి సినిమా రెగ్యులర్ షూటింగ్ ను జరుపుకుంటుంది. అలాగే వచ్చే ఏడాది సంక్రాంతి బరిలో సినిమా ఉండబోతుందని వార్తలు వినిపిస్తున్నాయి.
ఆ తర్వాత వెంటనే గ్యాప్ లేకుండా సుకుమార్ తో రంగస్థలం 2 ను సెట్స్ మీదకు తీసుకెళ్లాలని రామ్ చరణ్ అనుకుంటున్నట్లు సమాచారం. సుక్కు ఈ సినిమా కథను పూర్తి చేసే పనిలో ఉన్నట్లు తెలుస్తుంది. సుకుమార్ ప్రస్తుతం అల్లు అర్జున్ తో పుష్ప 2 సినిమా చేస్తున్న విషయం తెలిసిందే. ఆ సినిమాను ఆగస్టు 15 న విడుదల చేయనున్నట్లు చిత్ర బృందం ప్రకటించింది . సుక్కు ఇప్పుడు రామ్ చరణ్ సినిమా పై ఫోకస్ పెట్టాడు.
ప్రస్తుతం ఈ సినిమాకు సంబందించిన గ్రౌండ్ వర్క్ జరుగుతుంది. నవంబర్ నుంచి ఈ సినిమా రెగ్యులర్ షూటింగ్ జరగనుందని సోషల్ మీడియాలో వార్తలు వస్తున్నాయి. త్వరలోనే ఈ సినిమా నుంచి అప్డేట్ రానుందని టాక్‌. గతంలో వీరిద్దరి కాంబోలో వచ్చిన రంగస్థలం సినిమా ఎంత పెద్ద హిట్టో తెలిసిందే. ఇప్పుడు రాబోతున్న సినిమా పై భారీ అంచనాలు నెలకొన్నాయి.