పవర్ స్టార్ పవన్ కళ్యాణ్ హీరోగా నటిస్తున్న తాజా సినిమాల్లో మోస్ట్ అవైటెడ్ పాన్ ఇండియా మూవీ అందులోనూ ఆయన మొదటి పాన్ ఇండియా సినిమా “హరిహర వీరమల్లు” గురించి అందరికీ తెలిసిందే. అయితే ఈ సినిమాని డైరెక్టర్ జ్యోతి కృష్ణ అలాగే క్రిష్ జాగర్లమూడిలు తెరకెక్కించగా తాజాగానే ఈ సినిమా నుంచి వచ్చిన మొదటి సాంగ్ “మాట వినాలి” మంచి ట్రీట్ ఇచ్చింది.
అయితే ఈ సాంగ్ తో ఊహించని విధంగా పవన్ కళ్యాణ్ పాన్ ఇండియా 5 భాషల్లో కూడా తానే ఈ పాట పాడి ట్రీట్ ఇవ్వడం మరో విశేషం. ఒక్కో భాషలో పవన్ పాట పాడిన తీరు, ఆ వైవిధ్యత చూసి పవన్ ఫ్యాన్స్ షాకయ్యారు. దీంతో అసలు ఈ సాంగ్ వెనుక ఏం జరిగింది అనేది రివీల్ చేయడానికి మేకర్స్ ముహుర్తం ఖరారు చేశారు.
ఈ జనవరి 29న మధ్యాహ్నం 2 గంటల 10 నిమిషాలకి ఆ సాంగ్ రికార్డింగ్ మేకింగ్ వీడియో లాంచ్ చేస్తున్నట్టుగా తెలిపారు. దీంతో అభిమానులు ఈ వీడియో కోసం ఇపుడు చాలా ఎదురు చూస్తున్నారు. ఇక ఈ చిత్రానికి కీరవాణి సంగీతం అందిస్తుండగా ఏ ఎం రత్నం నిర్మాణం వహిస్తున్నారు.