సైంధవ్‌ సినిమా తరువాత ఇప్పటి వరకు నెక్ట్స్ సినిమా ఏంటీ అనేది బయటకు చెప్పలేదు. కానీ ఆయ‌న చేతినిండా మాత్రం ప్రాజెక్టులు ఉన్నాయి. ‘రానా నాయుడు సీజ‌న్ 2’కు సంబంధించిన చిత్రీక‌ర‌ణ కంప్లీట్‌ చేశారు. అనిల్ రావిపూడి ద‌ర్శ‌క‌త్వంలో ఓ సినిమా చేయాల్సి ఉంది. ఆ సినిమా అతి త్వ‌ర‌లోనే ప‌ట్టాలెక్కబోతుంది.
ఈ సినిమాలో మ‌రో హీరో కూడా ఉన్నట్లు ప్ర‌చారం జ‌రుగుతోంది. 2025 సంక్రాంతికి ఈ చిత్రం ప్రేక్ష‌కుల ముందుకు రాబోతుంది. ఈలోగా మ‌రో కొత్త ద‌ర్శ‌కుడి క‌థ‌కూ వెంకీ ఓకే చెప్పార‌ని టాలీవుడ్‌ లో టాక్ వినిపిస్తుంది. ‘సామ‌జ‌వ‌ర‌గ‌మ‌న’ చిత్రం కోసం రైటింగ్ డిపార్ట్మెంట్ లో ప‌ని చేశారు నందు. ఆయ‌న వెంకీ కోసం ఓ క‌థ సిద్ధం చేసుకోవ‌డం, అది కాస్త వెంకీ వ‌ర‌కూ వెళ్లిందని… ఈ క‌థ వెంకీకి బాగా న‌చ్చింద‌ని, అందుకే వెంట‌నే గ్రీన్ సిగ్న‌ల్ ఇచ్చేసినట్లు సమాచారం.
వెంకీ స్టైల్ లో స‌ర‌దాగా సాగిపోయే ఫ్యామిలీ ఎంట‌ర్‌టైన‌ర్ ఈ సినిమా అని సమాచారం. రావిపూడి సినిమా పూర్త‌యిన వెంట‌నే నందు సినిమాని ప‌ట్టాలెక్కించే అవ‌కాశం ఉందని తెలుస్తుంది.