టాలీవుడ్లో యూత్ఫుల్ కథలతో మంచి గుర్తింపు తెచ్చుకున్న దర్శకుడు వెంకీ అట్లూరి, లేటెస్ట్గా లక్కీ భాస్కర్ సినిమాతో మళ్లీ హిట్ ట్రాక్లోకి వచ్చాడు. ఈ సినిమాలో దుల్కర్ సల్మాన్ లీడ్ రోల్లో నటించి, తన కెరీర్లో మరో సక్సెస్ను సొంతం చేసుకున్నాడు. ఇప్పుడు వెంకీ తన తదుపరి సినిమాకు జాతీయ స్థాయిలో క్రేజ్ ఉన్న తమిళ స్టార్ హీరో సూర్యను తీసుకొని బిగ్ ప్రాజెక్ట్ ప్లాన్ చేస్తున్నాడు.
ఈ సినిమా ఇప్పటికే అధికారికంగా లాంఛనంగా మొదలై షూటింగ్ స్పీడ్గా జరుగుతోందట. మేకింగ్ విషయంలో ఎలాంటి కాంప్రమైజ్ చేయకుండా పెద్ద స్థాయిలో తెరకెక్కిస్తున్నారు. తాజాగా ఈ చిత్రానికి సంబంధించి ఫిలిం వర్గాల్లో ఆసక్తికరమైన టాక్ వినిపిస్తోంది. ఈ మూవీకి ‘విశ్వనాథన్ అండ్ సన్స్’ అనే టైటిల్ను దాదాపు ఫైనల్ చేసినట్టు సమాచారం. కథలోని అంశాలను బేస్ చేసుకుని ఈ పేరును ఎంపిక చేసినట్టు తెలుస్తోంది. టైటిల్ వినగానే ఒక క్లాస్ టచ్ తో పాటు ఎమోషనల్ డెప్త్ ఉన్న ఫీల్ వస్తోంది. దీంతో ఇది కేవలం కమర్షియల్ ఎలిమెంట్స్తో నిండిన సినిమా కాదనే అంచనాలు మొదలయ్యాయి.
ఇక కథ విషయానికొస్తే, వెంకీ ఈ సారి కూడా ఎమోషన్స్తో మిళితమైన ఒక డిఫరెంట్ కాన్సెప్ట్తో వస్తున్నాడట. హృదయాన్ని తాకే డ్రామాతో పాటు ఫ్యామిలీ అండ్ సొసైటీ బేస్డ్ కథ ఉండబోతుందనే టాక్ వినిపిస్తోంది. ఈ సినిమాలో మమితా బైజు కథానాయికగా నటిస్తోంది. ఆమె తెలుగులో ఇప్పటి వరకు పెద్దగా కనిపించకపోయినా, ఈ సినిమాలో ఆమెకు మంచి స్కోప్ ఉండబోతోందని చెబుతున్నారు.
ఇంకా, ఈ సినిమాకు సంగీత దర్శకుడిగా జి వి ప్రకాష్ కుమార్ పనిచేస్తుండగా, సితార ఎంటర్టైన్మెంట్స్ ఈ చిత్రాన్ని నిర్మిస్తోంది. వెంకీ అట్లూరి స్టైల్కు తగ్గట్లుగా సంగీతం కూడా సినిమాలో కీలకంగా ఉండబోతోంది. ప్రస్తుతం షూటింగ్ దశలో ఉన్న ఈ సినిమాకు సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.