పవన్ కళ్యాణ్ ప్రధాన పాత్రలో రూపొందుతున్న హిస్టారికల్ పాన్ ఇండియా మూవీ హరిహర వీరమల్లు చాలా కాలంగా ప్రేక్షకుల్లో ఆసక్తి పెంచుకుంటూ వస్తోంది. జ్యోతి కృష్ణ దర్శకత్వంలో తెరకెక్కుతున్న ఈ సినిమాలో నిధి అగర్వాల్ హీరోయిన్గా నటిస్తున్నారు. ఇప్పటికే ఈ సినిమాపై భారీ అంచనాలు నెలకొన్నాయి. రిలీజ్ తేదీ కూడా ఫిక్స్ చేసుకున్నప్పటికీ, సినిమా ట్రైలర్ విషయంలో మాత్రం ఇంకా స్పష్టత రాలేదు.
ఇటీవల భారీ స్థాయిలో వస్తున్న పాన్ ఇండియా సినిమాలు ఎక్కువగా రిలీజ్కు నెల రోజుల ముందు ట్రైలర్ను విడుదల చేస్తూ, ప్రమోషన్ను గట్టిగా ముమ్మరం చేస్తుంటాయి. కానీ హరిహర వీరమల్లు విషయంలో అలాంటిది జరగలేదు. రిలీజ్ సమయం దగ్గరపడుతుండటంతో ప్రేక్షకులు ట్రైలర్ కోసం ఎదురు చూస్తున్నప్పటికీ, ఇప్పటికీ అది బయటకు రాలేదు. దీనివల్ల ట్రైలర్ ఎప్పుడొస్తుందోననే ఉత్కంఠ నెలకొంది.
ఈ పరిస్థితిలో ట్రైలర్ రిలీజ్ గురించి ఓ ఆసక్తికర సమాచారం వినిపిస్తోంది. గతంలో కొన్ని సినిమాలు ఆడియో ఈవెంట్లోనే ట్రైలర్ను రిలీజ్ చేస్తుండేవి. ఆ తరహాలోనే ఇప్పుడు హరిహర వీరమల్లు ట్రైలర్ను కూడా ప్రీరిలీజ్ ఈవెంట్ రోజే విడుదల చేసే ప్లాన్లో ఉన్నారని టాక్. ఇది నిజం అయితే, ట్రైలర్ కోసం మరికొంత సమయం వేచి చూడాల్సిందే. అయినా ఇది అధికారికంగా ప్రకటించాల్సిన విషయమే కావడంతో, క్లారిటీ రావాల్సిన పనివుంది.
మొత్తానికి, ఈ చిత్రం ఇప్పటికే భారీగా హైప్ క్రియేట్ చేసుకుంది. ఇప్పుడు ఆ ఉత్సాహాన్ని కొనసాగించాలంటే ట్రైలర్ తప్పనిసరిగా రావాలి. ట్రైలర్ వస్తేనే ప్రమోషన్కు మరింత బలం చేకూరుతుందని అభిమానులు ఆశిస్తున్నారు.