VD12 అప్డేట్ వచ్చేది ఎప్పుడంటే! టాలీవుడ్ రౌడీ స్టార్ హీరో విజయ్ దేవరకొండ నటిస్తున్న తాజా సినిమా ప్రస్తుతం VD12 అనే వర్కింగ్ టైటిల్‌తో రూపుదిద్దుకుంటుంది. ఈ సినిమాను డైరెక్టర్‌ గౌతమ్ తిన్ననూరి తెరకెక్కిస్తుండగా ఈ సినిమాలో విజయ్ పాత్ర అల్టిమేట్‌గా ఉండబోతుందని మూవీ టీమ్‌ తెలిపింది. ఇక ఈ సినిమా నుంచి ఇప్పటికే విజయ్ లుక్ ఎలా ఉండబోతుందా అనే విషయాన్ని చిత్ర బృందం ప్రేక్షకుల ముందుకు తీసుకుని వచ్చింది.
దీంతో ఈ సినిమా నుంచి మరో అప్డేట్ కోసం అభిమానులు ఎంతో ఆసక్తిగా ఎదురు చూస్తున్నారు.కాగా, ఈ సినిమా నుంచి ఓ సాలిడ్ అప్డేట్ అయితే ఇచ్చేందుకు సినిమా బృందం రెడీ అవుతుంది. ఈ సినిమా టైటిల్‌తో పాటు ఫస్ట్ లుక్‌ను కూడా విడుదల చేసేందుకు చిత్ర యూనిట్ రెడీ అవుతుంది.
ఇక ఈ సినిమాకు ‘సామ్రాజ్యం’ అనే టైటిల్ పెట్టినట్లుగా సినీ వర్గాల్లో వార్తలు వినపడుతున్నాయి. అయితే, ఇప్పుడు ఈ మూవీ అప్డేట్‌ను ఫిబ్రవరి 7న ప్రేక్షకుల ముందుకు తీసుకురాబోతున్నట్లు తెలుస్తోంది. మరి నిజంగానే ఈ సినిమాకు సామ్రాజ్యం టైటిల్‌ను మేకర్స్ ఫిక్స్ చేస్తారా.. లేక వేరొక టైటిల్‌తో VD12 అప్డేట్ రాబోతుందా.. అనేది మాత్రం ప్రస్తుతానికి సమాచారం.