నటుడు శరత్ కుమార్ ముద్దుల కూతురు, తెలుగు ఇండస్ట్రీకి దొరికిన లేడీ విలన్ వరలక్ష్మీ శరత్ కుమార్ …ఆమె ప్రధాన పాత్రలో నటించిన చిత్రం శబరి. మహర్షి కూండ్ల సమర్పణలో మహా మూవీస్ పతాకంపై మహేంద్రనాథ్ కూండ్ల నిర్మించారు. ఈ సినిమాకు అనిల్ కాట్జ్ దర్శకత్వం వహించారు. ఇప్పటివరకు విడుదల పోస్టర్స్ సినిమా పై ఆసక్తిని పెంచుతున్నాయి.. ఇక తెలుగుతో పాటు తమిళ, మలయాళ, హిందీ, కన్నడ భాషల్లో మే 3న సినిమా విడుదల చేయబోతున్నారు. తాజాగా ఈ సినిమా నుంచిఐదు భాషల్లో ట్రైలర్ విడుదల చేశారు.
ఈ కార్యక్రమానికి ముఖ్య అతిథిగా నటుడు వరుణ్ సందేశ్ హాజరై, ట్రైలర్ ను విడుదల చేశారు. చాలా కాలంగా వరలక్ష్మి హీరోయిన్ గా సక్సెస్ కాకపోయినా… సినిమాల్లోని ప్రధాన పాత్రలల్ఓ నటిస్తూ వస్తుంది. సర్కార్ వంటి పెద్ద సినిమాల్లో సూపర్ విలనిజం పండించింది.
ఆ తరువాత ఈ ముద్దుగుమ్మ తమిళం నుంచి తెలుగు మీద ఫుల్ ఫోకస్ చేసి విజయం సాధించింది. యశోద, వీర సింహారెడ్డి,రీసెంట్ గా హనుమాన్ సినిమాతో ప్రేక్షకుల ముందుకు వచ్చింది.
ఆ సినిమా భారీ విజయాన్ని అందుకుంది. అదే జోష్ లో ఇప్పుడు లీడ్ లో నటిస్తుంది. శబరి సినిమాతో ప్రేక్షకులను పలకరించబోతుంది. తాజాగా ఈ సినిమా నుంచి విడుదలైన ట్రైలర్ జనాలను ఆకట్టుకుంటుంది.హీరో వరుణ్ సందేశ్ చేతుల మీదుగా ట్రైలర్ ను రిలీజ్ చేశారు.ఆ ట్రైలర్ లోని సీన్స్ భయపెడుతున్నాయి.
సస్పెన్స్, థ్రిల్లర్, యాక్షన్ సన్నివేశాలతో ప్రేక్షకులకు గూస్ బంప్స్ వస్తున్నాయి. వరలక్ష్మి పెర్ఫార్మన్స్ ఓ రేంజులో ఉంది. చచ్చిపోయిన వ్యక్తి బ్రతికి ఎలా వస్తుంది అనే డైలాగుతో ఈ ట్రైలర్ మొదలవుతుంది.. చివర్లో వరలక్ష్మి డ్యూయల్ రోల్ లో నటిస్తుందని తెలుస్తుంది. ట్రైలర్ లోని ప్రతి సన్నివేశం ఆసక్తిగా ఉన్నాయి. ఇక సినిమా ఏ విధంగా భయపెడుతుందో తెలియాలంటే మే 3 వరకు వెయిట్ చెయ్యాల్సిందే.
ట్రైలర్ ఈవెంట్ కార్యక్రమానికి నటుడు ఫణి, నటి సునయన , సినిమాటోగ్రాఫర్ నాని చమిడిశెట్టి, ఆర్ట్ డైరెక్టర్ ఆశిష్ తేజ్, కాస్ట్యూమ్ డిజైనర్ మానస నున్న, కొరియోగ్రాఫర్ రాజ్ కృష్ణ తదితరులు పాల్గొన్నారు..