పవన్ కళ్యాణ్ హీరోగా తెరకెక్కుతున్న హరిహర వీరమల్లు సినిమా పట్ల అభిమానుల్లో ఎలాంటి ఆసక్తి ఉందో ప్రత్యేకంగా చెప్పాల్సిన అవసరం లేదు. పీరియాడిక్ యాక్షన్ డ్రామాగా రూపొందుతున్న ఈ ప్రాజెక్ట్ను క్రిష్ జాగర్లమూడి దర్శకత్వం వహించగా, నిర్మాత జ్యోతికృష్ణ కూడా డైరెక్షన్ వర్క్లో భాగమయ్యారు. పెద్ద బడ్జెట్తో రూపొందించిన ఈ సినిమా మొదటి నుంచి చాలా హైప్ను సెట్ చేసింది.
అయితే ఈ సినిమా రిలీజ్ విషయంలో మాత్రం అసలు స్పష్టత రావడం లేదు. షూటింగ్ పూర్తి అయ్యినప్పటికీ విడుదల తేదీ మాత్రం పదే పదే మారుతూ వస్తోంది. ఈ అనిశ్చితి వల్లే ఇప్పుడు ఓటీటీ డీల్ కూడా సమస్యగా మారిందని టాలీవుడ్ వర్గాల్లో చర్చ నడుస్తోంది.
ఈ సినిమా నిర్మాణ దశలో ఉన్నప్పుడే ఓ ప్రముఖ ఓటీటీ సంస్థ డిజిటల్ రైట్స్ను దక్కించుకుంది. అప్పట్లో దాదాపు 75 కోట్ల రూపాయలు చెల్లించేందుకు ఒప్పుకున్నట్టు తెలుస్తోంది. కానీ రిలీజ్ వాయిదాలు వరుసగా రావడంతో ఆ సంస్థ ఇప్పటికే ఒప్పుకున్న మొత్తం నుంచి తగ్గించేందుకు ప్రయత్నించిందట. మొదట 75 కోట్ల నుంచి 65 కోట్లకు తగ్గించి.. ఇప్పుడు మరికొంత తగ్గించాలన్న ఉద్దేశంతో నిర్మాతలపై ఒత్తిడి తెస్తున్నారని సమాచారం.
ఇక ఈ వ్యవహారంపై నిర్మాత మాత్రం తగ్గేదేలే అనే ఉద్దేశంతో నిలబడ్డారు. ఈ ఒప్పందం మార్పునకు సాయపడే పరిస్థితి లేదని స్పష్టంగా చెప్పేశారట. దాంతో సినిమా విడుదల తేదీపై ఇంకా క్లారిటీ రాకుండా పోతోంది. ఫైనల్గా సినిమా ఎప్పుడు థియేటర్లకు వస్తుందన్నది ఇప్పుడు పెద్ద ప్రశ్నగా మారింది.
ఈ పరిణామాల నేపథ్యంలో పవన్ అభిమానులు మాత్రం నిరాశగా ఉన్నారు. తమ అభిమాన హీరో సినిమా కోసం ఏళ్లుగా ఎదురుచూస్తున్నప్పటికీ ఇంకా రిలీజ్ డేట్ ఫిక్స్ కాకపోవడం వారిలో అసహనాన్ని పెంచుతోంది.