టాలీవుడ్‌ క్యూట్‌ ముద్దుగుమ్మ శ్రీలీల …మొదటి సినిమాతోనే స్టార్ ఇమేజ్‌ ను సొంతం చేసుకుని అగ్ర హీరోలందరితో చేసి మంచి పేరు సంపాదించుకుంది. టాలీవుడ్‌ లో శ్రీలీల లుక్స్‌, డ్యాన్స్ కు చాలా మంది అభిమానులు ఉన్నారు. ఆ తరువాత శ్రీలీల కు వరుస ఆఫర్స్ వచ్చాయి. ఒకానొక సమయంలో డేట్స్ అడ్జస్ట్ కాక చాలా సినిమాలను ఈ ముద్దుగుమ్మ వదులుకోవాల్సి వచ్చింది. ఇదిలా ఉంటే ఈ భామకు వరుస ఆఫర్స్ అయితే వచ్చాయి కానీ అదృష్టం మాత్రం ఏం కలిసి రాలేదు.
ఈ భామ నటించిన ఏ సినిమా కూడా ప్రేక్షకులను మెప్పించలేకపోయింది. ప్రస్తుతం ఈ శ్రీలీల పవర్ స్టార్ పవన్ కల్యాణ్ నటిస్తున్న ఉస్తాద్ భగత్ సింగ్ లో నటిస్తుంది. అయితే ఆ సినిమా షూటింగ్ కు ప్రస్తుతం గ్యాప్‌ వచ్చింది. మళ్లీ త్వరలోనే స్టార్ట్ కానుంది. ఈ క్రమంలోనే ఈ భామ బాలీవుడ్ ఎంట్రీ ఇవ్వనున్నట్లు ఓ న్యూస్‌ బాగా వైరల్ అవుతుంది. కునాల్ దేశ్ ముఖ్ దర్శకత్వంలో తెరకెక్కుతున్న దిలర్ సినిమాలో సైఫ్ అలీఖాన్ తనయుడు ఇబ్రహీం అలీఖాన్ సరసన శ్రీలీల నటిస్తున్నట్లు ఓ వార్త బాగ్ వైరల్ అవుతుంది.
త్వరలోనే ఈ విషయం గురించి మేకర్స్ అధికారిక ప్రకటన చేయనున్నట్లు సమాచారం.